Thursday, August 17, 2017

நீட் அவசர சட்டம் - தமிழகத்தின் அடுத்த இரும்பு பெண்மணி நிர்மலா சீத்தாராம் தான் போல

 நீட் அவசர சட்டம் கொண்டு வாருங்கள் மைய அரசு ஒத்துழைப்பு அளிக்கும் என்று 3 நாட்களுக்கு முன் சொன்னார் நிர்மலா, அடுத்த நாள் தமிழகத்தின் சட்ட பேரவையில் அவசர சட்டம் நிறைவேற்றப்படுகின்றது. அடுத்த நாள் மைய சட்ட அமைச்சகத்தில் ஒப்புதல் வழங்கப்படுகின்றது, இன்று 3வது நாளில் மனிதவள மற்றும் கல்வி துறையிலும் அங்கிகரிக்கப்பட்டு செயலுக்கு வந்துவிட்டது.

இந்த நடவடிக்கையின் மூலம் மக்கள் அறியப்படுவது, பாசக நினைத்தால் 3 நாளில் சல்லிக்கட்டு மீளக்கொண்டு வந்து இருக்கனும். ஆனால் 10 இலட்சம் மக்கள் மெரினாவில் கூடி தமிழக அரசை கழுவி ஊற்றியபிறகும், பீட்டாவின் தமிழக தலைவர் தமிழ் பெண்களை எல்லாம் பாலியல் சுகத்திற்கு அலைபவர்கள் என்று வக்கிரமாக பேட்டிக்கொடுத்த பிறகும், மெரினாவை சுற்றியுள்ள குப்பங்களை எல்லாம் காவலர்களே தீயிட்டு கொளுத்திய பின்பு தான் கிடைக்க வேண்டும் என்று எல்லாம் இல்லை.

இப்படி ஒரு விவகாரத்தை தீர்க்க வேண்டும் என்றால் கத்தி இன்றி இரத்தம் இன்றி 3 நாளிலே எல்லா விதமான ஒப்புதல்களை எல்லாம் பெறப்பெற்று முடிக்க முடியும் என்று காட்டியுள்ளார்.

மேலும் குட்டி குட்டி தலைவர்களான தலைவர்களான பொன்ரா தமிழிசை எச்சி இராசா எல்லாம் பேட்டி கொடுப்பதற்காக வேலை கொடுக்கப்பட்ட தலைவர்கள் மட்டும் தான் முடிவுகள் எடுப்பதும் செயல்படுத்துவது இந்த இரும்பு பெண்மணி நிர்மலா என்று தான் காட்டியுள்ளார்கள்.

முடவனுக்கு கொம்பு தேன் மேல் ஏன் ஆசை என்று இனி அந்த குட்டி குட்டி தலைவர்கள் மற்றும் விவாத தலைவர்களும் தங்களின் இரும்பு பெண்மணியின் பின் அணிவகுத்து செயல்படுவது தான் அவர்களுக்கு நல்லது என்றும் மைய பாசக தெளிவிபடுத்தி உள்ளதாகவும் எடுத்துக்கொள்ளலாம்.

Wednesday, August 16, 2017

இந்தியாவை நாம் ஏன் வெறுக்கனும்

இந்தியா எனது தாய் நாடு, இந்தியர்கள் அனைவரும் எனது சகோதர சகோதரிகள், சமூகத்தின் பால் வரும் வேறுபாடுகளை அரசியல் அமைப்பின் பாலும் சட்டத்தின் வழியிலும் நின்று தீர்வு காண்பேன் என்று உறுதி கூறிய நாட்கள் நினைவுக்கு வந்து போகின்றது.

அந்த மூவர்ணக்கொடியை பார்த்ததும் மனதுக்குள் வரும் அந்த சிலிப்பும் பெருமிதமும் கனவாகவும் அந்த கால நினைவுகளாகவும் மட்டுமே ஆகிவிட்டுமோ என்ற அச்சமே வருகின்றது.

நாளை நள்ளிரவில் இந்த மூவர்ணக்கொடு செல்லாது நாளையில் இருந்து இனி எல்லோரும் பச்சை நிறக்கொடியை தான் இந்தியாவின் கொடியாக வணங்கவேண்டும் என்று சொல்லிவிடுவார்களே என்று கிலியாகவும் இருக்கிறது.

வீட்டு நலனையும் உனது சொந்த நலனையும் விட நாட்டின் நலம் தான் முக்கியம் என்றும் அதற்காக நீ அனைத்தையும் விட்டுக்கொடுத்தால் தவறில்லை என்று வா உ சி யை உதாரணமாய் காட்டி பேசுவார்கள். வெள்ளையர்களை எதிர்த்து சுதேசி கப்பல் விட்டவரை அந்த கப்பலை கடைசியில் வெள்ளையரிடமே விற்ற கொடுமை இந்தியாவில் மட்டுமே நடக்கும். அதை விடக்கொடுமை எல்லாம் இப்போது நடந்துக்கொண்டு இருக்கிறது.

உணவு பாதுகப்பு திட்டமாம், அந்த திட்டத்தால் மக்கள் எல்லாம் அதிகவிலை கொடுத்து தான் உணவை வாங்க வேண்டும், திட்டத்திற்கு பெயர் உணவு பாதுகப்புத்திட்டம். என்னே கொடுமையடா

கதிராமங்கலத்தில் குடி நீர் நன்றாகத்தான் இருக்கின்றதாக ஒரு சாதிக்கட்சி தலைவர் சொல்கிறார், ஆனால் அவர் கோவையில் நல்ல குடி நீரைக்குடித்துக்கொண்டு கதிராமங்கலத்து மக்களின் நீருக்கு சான்றிதழ் வழங்குகிறார்.

மைய அரசில் அங்கம் வகிக்காத மாநிலங்களை எல்லாம் சுடுகாடாக மாற்றும் திட்டத்துடன் இயங்கும் அரசியல் நகர்வுகளை தமிழகத்தில் நடத்தி எங்கே எல்லாம் விவசாயம் நடந்ததோ அங்கே எல்லாம் தரிசு நிலங்களாக கானும் கொடுமை அரங்கேறிக்கொண்டு இருக்கிறது.

நீதிமன்றங்கள் செல்லரித்து உளுத்துக்கொட்டும் நிலையில் இருக்கின்றது, கணக்கு பாடம் படிக்கும் மாணவர்கள் எல்லாம் 2 + 2 = 5 என்று எள்ளி நகையாடுகிறார்கள், 1000 கோடி ரூபாய் கொடுத்தால் 2 + 2 = 1 என்றும் கூட தீர்புகிடைக்கும் என்று நகைக்கிறார்கள்.....

கொலை செய்வது பாவம் என்றும் மரண தண்டனைக்கு உரிய குற்றம் என்று தான் இது வரையில் கேள்விப்பட்டு இருக்கின்றோம் ஆனால் மாகாத்துமா என்று உலகமே கொண்டாடியவரை கொன்றது ஒன்றும் குற்றமே இல்லை என்று பகவத் கீதையை சாட்சியாக கூறும் கொடுமைகளை எல்லாம் பார்க்கிறோமே என்று மனம் பதறுகின்றது.

எந்த மொழி பேச வேண்டும் என்றதில் இருந்து என்ன உண்ண வேண்டும் உடுத்தவேண்டும் தெய்வமாக வேண்டும் என்று கட்டளையிடும் அரசை இந்தியா என்றுமே கண்டது இல்லை ஆனால் இன்று இவைகள் தான் நாள்ளொரு மேனியும் பொழுதொரு வண்ணமாக நடந்துக்கொண்டு இருக்கிறது.

 நாடு முன்னேறுகிறது என்று தான் அடிக்கடி சொல்கிறார்கள் ஆனால் சாமானியனை இனிமேல் தனது அத்தியா அவசிய பொருட்களை கூட அதிகப்படியாக பணம் கொடுத்து தான் வாங்க வேண்டும் என்ற நிலை முன்னேற்றம் இல்லை என்றது பொருளாதாரம் தெரியாதவர்களுக்கு கூட தெளிவாக தெரியும், ஆனால் மைய அரசை சேர்ந்த தமிழக அரசியல்வாதிகள் தமிழகத்திலும் இந்தியாவிலும் பாலாறும் தேனாறும் ஓடுவதாக சொல்கிறார்கள்.

நாளைக்கு நாள் வேலை வாய்ப்புகள் குறந்துக்கொண்டே வருகின்றது, விலைவாசியே வின்கல வேகத்தில் பறக்கின்றது.

4 வருட பட்டம் பயின்றால் தான் அமெரிக்கவில் வேலை கிடைக்கும் என்று ஊருக்கு ஊர் தெருவுக்கு தெரு என்று ஆங்கில வழி கல்வி பள்ளிகளும் கல்லூரிகளும் கல்லா கட்டியது, இந்த வருடம் இயந்திர பொறியியல் படிப்பு படிக்க ஆளே இல்லை, பொறியிலே வேண்டாம் என்று மக்கள் ஒதுக்க ஆரம்பித்து வருடங்கள் ஆகுகின்றது ஆனால் நாடு நாளுக்கு நாள் முன்னேறிக்கொண்டும் வளர்ந்துகொண்டும் இருக்கிறது என்று மாதம் ஒரு முறை வானொலியிலும் தொகாவிலும் பேட்டிகள் பறக்கின்றது.

நாட்டில் அனைத்து மக்களும் ஒரே பாடத்திட்ட தேர்வு முறை தான் எழுதவேண்டும் என்கிறார்கள் அப்படியானால் ஏழைகள் படிக்க அரசுபள்ளி பாடத்திட்டமும், கொஞ்சம் பணம் உள்ளவர்களுக்கு மக்காலே பாடதிட்டமும், பெரும் செல்வந்தர்களுக்கு என்று சொகுசு படசாலைகளும் நாட்டில் எதற்கு. அப்படி எந்த கல்வி சிறந்ததோ அதை அரசு கல்வியாக வழங்க வேண்டியது தானே ஆனால் அந்த மட்டமான படிப்பை தான் அரசு வழங்குமாம் ஆனால் மேற்படிப்பு சொகுசு படிப்புபடித்தவர்களுக்கு மட்டும் தானாம்.

இதை எல்லாம் பார்க்கும் போது இது என்ன நாடு என்று வெறுப்பே வருகின்றது. ஆனால் இது என்னுடைய நாடாச்சே, இந்த வெறுப்பு அரசு நடத்தும் அந்த அரசியல்வாதிகள் மேலும் ஆட்சியின் மேலும் அல்லவா வெறுப்பு வரவேண்டும் அதை விட்டு நாட்டின் மீது ஏன் கோபம் வருகின்றது.

அது சரி சொந்த நாட்டிலே அகதியாய் வாழ யாருக்கு தான் பிடிக்கும், என்ன உண்ண வேண்டும், உடுத்த வேண்டும், படிக்க வேண்டும், பார்க்க வேண்டும் என்று வாழும் வீட்டிலேயே வாழ முடியாதவர்களை அப்படி ஒரு நாட்டில் வசிக்க சொன்னால் எப்படி அதுவும் எப்படி சொல் பேச்சு கேட்கவில்லை என்றால் எப்படி கொல்லப்படுவீர்கள் என்று மக்களை நடுத்தெருவில் கொண்டு வந்து அடித்தே கொன்று அல்லவா உதாரணம் காட்டுகிறார்கள்.... என்னே ஒரு கொடுமை.

Monday, August 14, 2017

நிர்மலா சீதாராம் தான் பாசகவின் தமிழக முதல்வர் வேட்பாளரா

தமிழகத்தில் எந்த அவசர சட்டமாக இருந்தாலும் சரி அல்லது முக்கிய பிரச்சனைகளாக இருந்தாலும் சரி நிர்மலா சீதாராம் தான் என்ன செய்ய வேண்டும் என்று சொல்கிறார்.

காளை மாடு மட்டும் காட்டு விலங்காக அறியப்பட்ட சதியின் பின்னணி, பின்னர் காளை மாட்டை காட்டு விலங்கு இல்லை வீட்டு விலங்கு தான் என்று வரலாற்று சான்றாக அறிவித்தால், அதன் அவசர சட்டம், தமிழகத்திற்கு நீட்டு தேர்வு அவசியாமா இல்லையா என்ற முடிவை அரசு சார்பாக அறிவித்தல், ரேசன் பொருட்கள் தமிழகத்திற்கு தேவையா இல்லையா என்று வரையறுப்பது, கூடங்குளத்தில் அணு மின்னிலையம் அமைப்பது தமிழகத்திற்கு நல்லதா தீயதா என்று ஆராய்சி முடிவுகளை வெளியிடுவதும் அதை பொருத்து அறிவிப்பதும், நெடுமங்கலம், கதிராமங்கலம் என்று தமிழகத்தை சீரழப்பதற்காக துடிக்கும் திட்டங்கள் தமிழகத்திற்கு வந்தே தீரும் என்று சொல்வதும் அறிவிப்பதும், அதிமுக அணி சேரவேண்டுமா இல்லையா, தமிழகத்து சட்டபேரவை சரியாக நடக்கின்றதா இல்லையா என்று அனைத்து விதமான அறிவிப்புக்கும் அதிகார பூர்வமாக நிர்மலா சீத்தாராம் தான் அறிவிக்கின்றார், பேசுகின்றார்.

பாசகவின் மற்ற குட்டி குட்டி தலைவர்கள் தமிழைசை, பொன்னார், எச்சி ராசா போன்றோர்கள் போல் விவாதத்தில் கலந்து கொள்வது, விமான நிலையமுதல் தொகா விவாதங்களுக்கு பேட்டி அளிப்பது போன்ற வெட்டி வேலைகள் எல்லாம் இவருக்கு இல்லை.

வெங்கையா நாயிடுவும் இவரை போல் வெட்டிப்பேச்சுகள் எல்லாம் பேசுவது இல்லை ஆனால் ஊடகங்கள் எல்லாம் தமிழகத்தின் உண்மையான முதல்வர் வெங்கையாவா என்று எழுதி தீர்த்தார்கள், ஆனால் அவரை துணை குடியர்சு தலைவராக அறிவித்தது பாசக, இந்த நிலையில் தமிழகத்தின் பாசக முதல்வராக வரப்போகின்றவர் நிர்மலா சீத்தாராம் தான் என்று தெளிவாககின்றது.

சொல்ல முடியாது நாளையே இவரை அதிமுகவின் தலைவராக பாசக ஆக்கினாலும் ஆச்சர்யபடுவதற்கு இல்லை தான். அடுத்த அதிமுகவின் முதல்வராகக் கூட வர வாய்ப்பு இருக்கின்றது.

பாசகவின் மற்ற குட்டி குட்டி தலைவர்களான பொன்னார், தமிழிசை, எச்சி ராசா எல்லாம் பப்பர முட்டாயை வாங்கிக்கொண்டு மற்ற தமிழர்கள் போல் வந்தே மாதரம் என்று கொடியை குத்திக்கொண்டு அன்னாந்து வானத்தை பார்க்கவேண்டியது தான் போலும்.........

Friday, August 11, 2017

மோடி அமெரிக்காவிற்கு சென்று வந்தது சீனாவோடு சண்டைக்கு போகத்தானா

சூன் மாதம் அமெரிக்காவுக்கு சென்று வந்தன் இரகசியம் இது தானா. வட கொரியா கட்டுக்கு அடங்காம ஆடுது. அதை ஆதரிக்கவும் மேன் மேலும் தூண்டவுன் சீனா மும்முரமாக இருக்கிறது. உலக நாடுகளில் எதுவாலும் வட கொரியாவை கட்டுப்படுத்த முடியவில்லை.

சீனாவை இந்திய முனையில் இராணுவ தாக்குதலுக்கு உள்ளாக்கினால் இந்திய பெருங்கடலிலும் ஆசிய நிலப்பரப்பிலும் நிலை கொண்டு இருக்கும் சீனப்படை இந்தியா நோக்கி நகரும். மேலும் இந்த பலவீனத்தில் வட கொரியா அடக்கி வாசிக்கும் என்றது அமெரிக்க கணக்கு.

சரி அப்போ இந்தியாவின் நிலை என்னவாகும், அதான் அருண் சேட்லி சொல்கிறாரே, 1962ல் இருந்த நிலை வேறு இப்போது நாங்கள் அமெரிக்காவின் கை கூலிகளாக இருக்கும் நிலை வேறு என்று சொல்லாமல் சொல்கிறார்.

சீனாவும் வட கொரியாவும் இனி என்ன செய்கின்றது என்று பார்த்து அமெரிக்க இந்தியாவிம் மூலம் அடுத்து என்ன செய்ய வேண்டும் என்று ஆணையிடும்.

அது வரையில் ஏற்படும் பொருளாதார நட்டம் முதல் இராணுவ நட்டம் வரை இந்தியர்களுக்கு பப்பர மிட்டாய் கொடுத்து ஏமாற்றவும் அமெரிக்கா திட்டத்துடன் உள்ளது.

இந்திய சீன போர் வெடிக்கும் கால், காசுமீரத்தை பாக்கிட்தானத்துடன் இழந்தது போல் வட கிழக்கு மா நிலங்களை சீனாவிடம் இழக்க நேரிடும்.

நாமும் பழைய இந்திய படத்தை வைத்துக்கொண்டு தலை இல்லாத இந்தியாவையோ அல்லது இடக்கை இல்லாத இந்தியாவையோ நினைத்துக்கூட பார்க்க முடியவில்லை என்று வசனம் பேச வேண்டியது தான்.....

Wednesday, August 9, 2017

நடு இரவில் அந்த பெண்ணுக்கு அங்க என்ன வேலை -- சுடலைமாடன் வருகையில்

அந்த பெண் வர்னிகா ஏன் நடு இரவில் வெளியில் செல்ல வேண்டும். வடக்கில் இரவில் தனியாக இருக்கும் பெண்களுக்கு நடக்கும் கொடுமைகளை கண்டும் எப்படி இந்த பெண்ணுக்கு நடு இரவில் தனியாக பயணிக்கும் தைரியம் வந்தது.

ஆண்மகன் விகாசு பாரால அதுவும் உலகை ஆளும் பாசகவின் கட்சியை சேர்ந்த பெரும் புள்ளியின் மகன் இரவிலும் பகலிலும் உல்லாசமாகவும் சல்லாபமாகவும் வாழ சர்வ தகுதிகளையும் பெற்றவன் இரவில் நாடு நன்றாக உள்ளதா என நகர்வலம் வரும் வேளையிலா இந்த பெண் வர்னிகா தனியாக வெளியில் செல்வாள்.

நாடும் உலகும் இருக்கும் நிலையில் படித்து பெரிய பதவியில் இருக்கும் ஒரு ஆட்சியர் இப்படியா கொஞ்சம் கூட பொருப்பில்லாமல் வயசு பெண்ணை இரவில் ஊர் சுற்ற அனுப்புவது. என்ன ஒரு ஒழுக்கம் கெட்ட குடும்பம் இவர்களது குடும்பம்.

பெண் என்றால் வீட்டில் அந்த 4 சுவர்களுக்குள் முடங்கி கிடந்து வீட்டு ஆண்கள் வீட்டிற்கு வருவதற்குள் சமைத்து, துவைத்து கணவனின் வருகைக்காக காத்து இருக்காமல் இது என்ன திமிர்தனமா வண்டியை ஓட்டிக்கொண்டு அலைவது.

நிர்பயா ஒரு கற்பனையான பெயர் தான் ஆனால் அந்த பெண்ணிற்கு நடந்த கொடுமைகள் எல்லாம் உண்மை அந்த தகவல்கள் எல்லாம் தெரிந்தும் இப்படி இரவில் வர்னிகாவை வெளியில் வண்டியை எடுத்துக்கொண்டு அலைய வைத்த பெரும் தேவை தான் என்ன....

சுடலைமாடன் வருகையில் குறுக்கே வரும் மக்களின் உயிரை எல்லாம் குடித்துவிடும் என்று தெரியாதா தெரிந்தும் தன் பெண்ணை அனுப்பி நாடகம் ஆடி எங்களது கட்சிக்கும் குடும்பத்திற்கும் கெட்ட பெயரை உண்டாக்கிறார் என்று வர்னிகாவின் மீதும் அவரது பெற்றோர்களின் மீதும் வழக்கு தொடரவும் தண்டனையளிக்கவும் வேண்டும்.

எப்போது தான் இந்த புத்தி கெட்ட நிர்பயா பெண்கள் திருந்துவார்களோ ஆண்களை இப்படி பாடாய்படுத்துவதை நிறுத்துவார்களோ.......

Tuesday, August 8, 2017

மோடி இந்தி பேசும் மக்கள் ஏன் ஆங்கிலம் பேச மறுக்கிறார்கள்


இந்தி பேசும் மக்கள் ஏன் ஆங்கிலம் பேச மறுக்கிறார்கள் மேலும் அவருடம் ஆங்கிலத்தில் பேசுவதை ஏன் வெறுக்கிறார்கள் என்று இந்த படத்தை பார்த்தால் தெளிவாகத்தெரியும்.



video


மேலோட்டமாக பார்த்தால் இது ஒரு நகைச்சுவையாக தெரியும் ஆனால் அந்த உச்சரிப்பை கவனியுங்கள் எவ்வளவு ஊன்றி போய் இலயித்து இந்த ஆங்கில வார்த்தைகளை பொருத்தி மகிழ்கிறார்கள் என்று தெரியும்.

இந்தியாவில் எந்த மா நிலம் சென்றாலும் இந்த இந்திகாரர்களுக்கு இந்தியில் பேசுவார்கள் எழுதி வைப்பார்கள். ஆனால் தமிழகத்தில் முக்கிய நகரங்கள் தவிர பாசக உறுப்பினர்கள் வரை தமிழிலும் ஆங்கிலத்திலும் தான் பேசுவார்கள். இந்த முறையில் ஆங்கிலம் படித்தவர்களால் எப்படி நாம் பேசும் ஆங்கிலம் புரியும் அது தான் எரிச்சல்படுகிறான் கத்துகிறான் சட்டம் ஏற்றுகிறான்.

இந்திய பிரதமர் மோடியின் ஆங்கிலமும் இப்படி தான் இருக்கும் கவனியுங்கள்.

Monday, August 7, 2017

சீன பொருட்கள் இருக்கட்டும் நமக்கு வடக்கத்திய பொருட்கள் தேவை தானா - தேசதுரோகிகள்

இந்தியாவின் பொருளாதாரத்தை சீர் குலைக்க சீனா முயல்வதாகவும், அதை சமன் செய்யும் விதமாக சீனாவின் தயாரிப்புகளை வாங்குவதை எல்லோரும் தவிர்க்க வேண்டும் அப்படி செய்யாதவர்கள் எல்லாம் தேச துரோகிகள் என்றும் சங்கிகள் பரப்புரை செய்வதை பார்க்கின்றோன்.

சங்கிகளின் வாதத்தின் படி பார்த்தால் நமது நாட்டின் பொருளாதாரத்தை சீர் குலைக்கும் அண்டை நாட்டின் தயாரிப்புகளை தவிர்ப்பதால் அவர்களின் அரசியல் சதியில் இருந்து தாய் நாட்டை காக்க வேண்டிய கடமை நாட்டின் ஒவ்வொரு குடிமகனுக்கும் இருக்கிறது.

இப்படி செய்வதனால் சீனா தனது வர்த்தகம் பாத்திப்பில் இருந்து தப்பிப்பதற்காக இந்தியாவின் பொருளாதாரார சீர் குலைவுகள் ஏற்படாத வண்ணன் இணக்கமாக நடந்துகொள்ளும் என்றும் நமக்கு பாடம் எடுத்து சொல்லிக்கொடுக்கிறார்கள்.

சரி தானே என்று தோன்றுமே, அதானே என்று சபாசு போட்டு சப்பைக்கட்டுகள் அதிகமாகவும் வரும்.

இந்த கூற்றுபடி பார்த்தால் இன்றைய தமிழக நிலைக்கு வடக்கத்திய அரசியல்வாதிகளும் அவர்களை கைப்பாவையாக அரசு நடத்த அனுப்பிய வடக்கத்திய பணக்காரர்களும் தான் காரணம்.

இந்த கூற்றை நிறூபிக்கும் விதமாக எச்சி ராசா பாசக மேடையில் இன்று முழங்கியும் இருக்கிறார்.

ஆகவே இன்று முதல் வடக்கத்திய பொருட்களை தமிழர்கள் வாங்குவதை நிறுத்த வேண்டும். அரிசி பருப்பை கூட வடமாநிலத்தவர்கள் விற்கும் பொட்டளப்பைகளில் தான் வாங்க வேண்டுமா என்ன.

பெட்ரோல் முதல் அரிசி பருப்பு வரை தமிழகத்து தொழில் முனைவோரை தான் ஊக்குவிக்க வேண்டும். இன்றைக்கு துணிமணிகள் முதல் செல்பேசி சேவை முதல் வடக்கதியர்கள் விற்கிறார்கள். ஏன் தமிழர்களுக்க்கு அந்த சேவைகள் எல்லாம் வழங்கும் தொழில் நுட்பமும் வசதியும் இல்லையா.

தமிழகத்தில் ஐபியல் அணியை விலைக்கு வாங்கி நடத்தமுடியுது செல்பேசி சேவை நிறுவனம் தொடங்கமுடியாதா.

பணம் இல்லை என்று சொல்ல வேண்டாம் மனம் இல்லை என்று சொல்லவும். பணமும் செல்வமும் இல்லாமல் தான் நாம் இலட்சகணக்கில் வடகிழக்கு மாநிலத்தவர்களுக்கு அன்றாடம் தினக்கூலி 700 ரூபாய்க்கு வேலை கொடுக்கின்றோமா.

வட மாநிலங்களுக்கு ஆபத்து என்றால் சீன எல்லையை விட்டுக்கொடுக்க இந்திய அரசு தயாராக இருக்கின்றது. தமிழக பாசகவிற்கு தலைவராக வடக்கதியர் வடக்கதிய உடையில் வந்து வட மாநில மொழியில் தான் பேசுவார்.

இந்த வடக்கதியர்களால் தான் தமிழகம் நிவகிக்கபட வேண்டுமா ஏன் தமிழகத்தில் ஒருவருமா இல்லை.

மூச்சுக்கு 300 தடவை ஊழல் என்று சொல்லும் பாசகவின் அமித்து சாவின் சொத்துக்கள் 3 ஆண்டுகளிம் 300% உயர்ந்ததின் அடிப்படை என்ன என்று விளக்க தயாராக இல்லை. அது மட்டும் இல்லாது இது வரை மோடி வெளி நாடுகளுக்கு சென்று இந்தியாவிற்காக கொண்டு வந்தது என்ன எவ்வளவு என்ற தகவலையும் தெரிவிக்க மறுகின்றது.

வடக்கில் இருக்கும் மக்கள் தமிழகத்தின் மாடுகள் என்ன செய்ய வேண்டும் கூடாது என்று தீர்மானிக்கிறார்கள். தமிழர்கள் என்ன கொண்டாட வேண்டும் என்ன உடுத்த வேண்டும் என்று தீர்மானிக்கிறார்கள். அதைவிட கேவலம் என்ன சாப்பிட வேண்டும் என்று தீர்மானிக்கிறார்கள்.

இன்று முதன் வடக்கதிய பொருட்களையும் சேவைகளையும் தவிர்ப்போம். தமிழக பொருட்களை வாங்கி தமிழர்களை ஊக்கப்படுத்துவோம். அப்போது தான் தமிழர்களின் நிலை முன்னேறும். இதை செய்யவோ பரப்பவோ மறுப்பவர்கள் மாநில துரோகிளாவார்கள்.

Thursday, August 3, 2017

கலாமும் திருவள்ளுவரும் -- திக காரங்க சொன்னா சரியாகத்தான் இருக்கும் போல

அரசியல் மேடை பேச்சுக்களை கேட்க சுவையாக திகழ்வது தி கவும் பொதுவுடமையாளர்களுடையதும் தான். காரணம் இவர்களிடம் தான் அதிகமான பொருளடக்கம் இருக்கும் எடுத்துக்கொண்ட தலைப்பில் மணிக்கணக்கில் உதாரணங்களுடன் கொட்டுவார்கள்.

தி கவினர் பேசும் போது அதிகம் ஆளும் சொல்லாடல்களில் முக்கியமானது இந்து மதம் எப்படி எல்லா மதத்தையும் விழுங்கி ஏப்பம்விட்டது என்றதாகும். அந்த வகையில் அவர்கள் காட்டும் மேற்க்காட்டுதல் திருவள்ளுவரை.

ஒரு காலத்தில் திருவள்ளுவர் சிலை என்றால் ஒரு முனிவனின் சிலையாக இருக்கும், தலையில் முடிந்த கொண்டையும் கையில் ஓலை சுவடி என்றும் மட்டும் தான் இருந்தது. பிறகு அதுவே நெற்றியுல் திருநீர் அணிந்து வர துவங்கியது. பிறகு மெல்ல அந்த சிலையி பூணூலுடன் வரத்துவங்கி இன்றைக்கு திருவள்ளுவர் சிலையில் பூணூல் இல்லை என்றால் பொருட்குற்றமாக பார்க்கும் அளவிற்கு வளர்ந்து நிற்கிறது.

இதை விளக்கும் போது திகாவினர் சொல்லும் வியாக்யாஞானம் இது தான், எது எல்லாம் அறிவில் சிறந்து விளங்குகின்றதோ அல்லது சிறப்பாக இருக்கின்றதோ அவைகள் எல்லாம் எங்களுடையவைகள் மட்டும் தான் அல்லது எங்களால் மட்டும் தான் சிறந்தவைகளை கொடுக்க முடியும் என்று பறைச்சாற்றுவது அவர்களது இயல்பு.

அந்த அளவில் உலகப்பொதுமறையாக திருக்குறளுகு ஒரு அங்கிகாரம் கிடத்ததும் திருவள்ளுவருக்கு பூணூல் சூட்டும் சடங்கும் நடந்தேறியது என்று கூறி இன்னும் கொஞ்ச நாள் பொருங்கள் ஐயா பெரியாருக்கும் பூணூல் போட்டு இவர்களே பேசுவார்கள் பாருங்கள் என்று நகைப்பாக சொல்வார்கள்.

அந்த வரிசையில் இந்து மதம் கலாமுக்கு பூணூல் அணிவிக்காமல் இருந்தால் சரி தான்.

கலாம் ஐ நா சபை கூட்டதில் பேசும் போது கணியன் பூங்குன்றனின் யாதும் ஊரே யாவரும் கேளீர் என்றதை அழகாக குறிப்பிட்டு பேசினார் அது போல் மேற்கோள் காட்டும் இடங்களில் எல்லாம் தமிழ் நூட்களையே தான் மேற்கோள் காட்டினாரே அன்று கீதையில் தான் எல்லாம் இருக்கிறது என்று, காலை மாலை மதியம் இரவு உணவுக்கு முன் இரவுக்கு பின் என்று கீதை படித்தாகவோ அல்லது கீதையை என்னுடனே எப்பொழுதும் வைத்து இருப்பதாகவோ அல்லது தனக்கு பிடித்த புனித நூல் கீதை என்றோ என்றைக்கும் கலாம் குறிப்பிட்டது கிடையாது.

அதே சமயத்தில் கீதையை அவர் விமர்சிக்கவும் இல்லை, நல்ல பகுதிகளை எடுத்துக்கொண்டும் கெட்டபகுதிகளை உதாசிக்கவும் தயங்கவில்லை.

தி க காரர்கள் சொல்வதை போல் எது சிறந்ததோ அவைகள் எங்களிடையவைகள் மட்டுமாகத்தான் இருக்க முடியும் என்று மேலும் பறைசாற்றி இருக்கிறது இந்து மதம். நாளையே பூணூலுடன் கலாமைக்கண்டால் ஆச்சர்யப்படாதீர்கள்.....

Thursday, July 27, 2017

இந்தியா சீனா போர் வருமா வராதா

சமீப காலமாக செய்திகளில் இடம்பிடிக்கும் செய்தி இது. அதுவும் எப்படி 10 நாளைக்கு மேல் வெடி பொருட்கள் இருக்காது. சும்மா சீண்டிப்பார்க்காதே என்று சீனா அறிவித்து இருக்கிறது. சீன எல்லையில் பதற்றம். சீன அதிபரும் மோடியும் சீ20 மாநாட்டில் சந்தித்து பேசினார்கள், இல்லை பேசவில்லை......

ஆக மொத்தத்தில் சீனாவுடம் போருக்கு இந்தியா தயாராவது போல் ஒரு கண்ணோட்டம் செய்திகளில் உலா வருவரை கவனிக்கலாம்.

எந்த ஒரு சுதந்திர நாட்டின் செய்தி ஊடகங்களுக்கு தனது கணிப்பை செய்தியாக வெளியிட உரிமை உண்டு என்று வைத்துகொண்டாலும். தேச நலனுக்கு எதிராக எழுதும் பரப்பும் பரப்புகளை அரசு வேடிக்கை பார்த்துக்கொண்டு இருக்காது. ஆனால அரசாங்க எதிர்ப்பு எதுவுமே எழாமலும் மறுப்புகள் எதுவும் எழாத வண்ணமாக நாளொருமேணியும் பொழுதொரு வண்ணமாக செய்திகள் வருவது மட்டும் நிறபாடில்லை.

ஆக இது திட்டம் இட்டு அரசால் பரப்ப படும் ஒரு போர் பற்றிய தகவல் என்று சந்தேகம இல்லாமல் தெளிவு பெறுகின்றது.

சரி அப்படி ஒரு போர் வர சாத்தியமா என்றும் அந்த செய்திகளை படித்து அப்பாவி மக்கள் பதற்றம் அடைவார்களா என்றால் அதுவும் இல்லை. பிறகு எதற்காக இந்த செய்தி பரப்ப படுகின்றது.

ஊழலை முழுவதும் ஒழித்துவிட்ட இந்தியா, தூய்மையான இந்தியா, கருப்பு பணம் என்ற பேச்சுக்கே இடமில்லாத இந்தியா, மேக் இன் இந்தியா, என்று ஏகப்பட்ட இந்தியாக்களை இந்தியர்களின் முன் மோடியும் அவரது கூட்டமும் அலையவிட்டு இருக்கிறது. அந்த இந்தியாக்களை இந்தியர்கள் இப்போது எங்கே என்று கேட்க ஆரம்பித்துவிட்டார்கள்.

தினம் மனம் போன போக்கில் ஒரு அறிவிப்பை புதிய இந்தியாவின் பிறப்பாக வெளியிடுவதும் அடுத்த நொடியே அந்த இந்தியா அநாதையாக தெருவில் திரிவதையும் மக்கள் பார்த்துகொண்டு தானே இருக்கிறார்கள்.

இது வரையில் மதத்தின் பெயராலும் சாதிகளின் பெயராலும் வன்முறையை கட்டவிழ்த்துவிடுவதிலும், சமூக அவலங்களை கட்டவிழ்த்துவிடுவதுமாக தான் இந்த அரசு பயணிக்கின்றதே தவிர உருப்படியாக எதுவும் செய்துவிடவில்லை.

முன் எப்பவும் இல்லாத அளவிற்கு எல்லா வியாபாரங்களிலும் தனியார் பெருமுதலாளிகள் கொடிக்கட்டி பறக்கும் இந்த நாளிலா போர் வரப்போகின்றது. அப்படி போர் மூண்டால் இந்த முதலாளிகளின் முதலும் வியாபாரமும் போய் தெருவுக்கு வந்துவிடுவார்கள் என்று அந்த ஆட்களுக்கு தெரியாதா என்ன.

நாட்டின் எல்லைகள் போனாலும் தனது பணம் போய்விடக்கூடது என்று காப்பவர்கள் அல்லவா அந்த முதலாளிகள். அப்படி இருக்க சீனாவுடனான போர் இல்லை ஒரு எறும்பு கூட கூட போர் வர வாய்பு இல்லை.

பிறகு எதற்கு போர்பற்றி செய்திகள் பரப்ப வேண்டும், மிகவும் எளிதான கணிப்பு. ஒன்று மக்களை திசை திருப்ப மற்றும் இந்த போரை காரணம் காட்டி அமெரிக்கா முதல் இலங்கை வரை இந்த வல்லரசு இந்தியா ஆயுதம் வாங்கி குவிக்க தான். ஆயுதம் என்றால் நாட்டின் பாதுகாப்புக்கான ஆயுதங்கள் இல்லை மக்களே, அரசில் இருக்கும் மக்களின் தனிப்பட்ட தேவைக்கு தேவைப்படும் ஆயுதங்கள் வாங்கத்தான்.

மறுபடியும் மோடி இலங்கை முதல் அமெரிக்கா வரை சென்று முதன் முதலாக இலங்கையிடம் ஆயுதம் வாங்கிய இந்திய முதல் பிரதமர் நான் தான் என்றும், இதற்கு முன்னால் இருந்த காங்கிரசு அரசுக்கு இலங்கையிடம் எப்படி ஆயுதம் வாங்க வேண்டும் என்று தெரிய கூட இல்லை என்றும் சொல்லி செலிபி எடுப்பார் அந்த செல்பிமகான் மோடி. ஆகா ஓகோ என்று சங்களி சிங்கி அடைப்பார்கள் பார்க்கனுமே......

மோடியின் அடுத்த நள்ளிரவு தாக்குதல் - இட ஒதுகீடு செல்லாது

இராம்நாத்து கோவிந்தை முன்னிறுத்தியதில் இருந்து தெளிவாக தெரிந்துக்கொள்ள வேண்டியது இந்த துல்லிய தாக்குதான் அடுத்தது என்று.

இந்த முறை மோடிக்கு பதில் இராம் நாத்து கோவிந்து மக்களின் முன் தொகாவில் நள்ளிரவில் தோன்றி நாளை முதல் இட ஒதுகீட்டு செல்லாது என்று அறிவிப்பதோடு சமூகத்தில் இருந்த ஏற்ற தாழ்வுகளை களைந்து இன்று முதல் ஒரு புதிய இந்தியா பிறந்துவிட்டது என்று ஒரு சங்கை ஒலிப்பார்.

மோடி, அமித்து சா, அருண் செட்லி எல்லாம் இலட்டு கொடுத்து கொண்டாடுவார்கள்.

கலாம் குடியரசு தலைவராக தேவைப்பட்டது முசுலீம்களை கொன்று குவிக்கும் போது, இப்போது இடஒதுகீட்டை அழிக்க இராம்நாத்து கோவிந்து தேவைபடுகிறார்.

சங்கிகளுக்கு கொண்டாட்டமே ஆனால் பாதிக்கப்படும் மக்கள் என்ன செய்வார்கள், நெடுவாசலிலும், நீட் தேர்விலும் என்ன நடந்ததோ அதே தான் இங்கேயும் நடக்கும்.

இணைய புலிகள் கொஞ்சம் பாய்வார்கள், வளர்மதி திருமுருகனை போல் இன்னும் இருக்கும் களப்போராளிகளை கைது செய்தது போல் கைது நடந்தால் அடங்கிப்போவார்கள்.

பிறகு இடஒதுகீட்டை ஒழித்ததின் மூலம் ஒரே இந்தியாவை பெற்றோம் இனி யாரும் நம்மை சமூக ரீதியில் பாகுபடுத்தி பேச மாட்டார்கள் என்று மேடைக்கு மேடை மோடியும் அவரது சங்கிகளும் அடவுகட்டி ஆடுவார்கள்.

எதிர்த்து கேள்வி கேட்போர் எல்லாம் தேசதுரோகியாக அறியப்பட்டு உங்களது வீட்டு வாசலிலே தூக்கிலிட்டு கொல்லப்படுவீர்கள்.

பழையபடி பாசக சாதி இருக்கும் ஆனால் சமூக பாகுபாடு இருக்காது என்று உளருவார்கள்.

பிறகு என்ன மெல்ல இட்லர் மற்றும் இலங்கை வழியில் மக்களை சட்டங்களின் பெயரில் பிரிப்பார்கள், நேரே கொண்டு சென்று தனிமைபடுத்துவார்கள், பிறகு பட்டி பட்டியாக கொன்று குவிப்பார்கள். கேட்டால் ஒரு நாட்டிற்காக ஒரு மாநிலத்தையே இழக்கலாம் என்று உங்கள் மகாத்துமா காந்தியே சொல்லி இருக்கிறார். ஆகவே இது காங்கிரசு செய்ய இருந்தது தான் ஆகையால் யாரும் கூவ வேண்டாம் என்று வியாக்கியானம் பேசுவார்கள்.

Saturday, July 22, 2017

ஒழுகுகின்ற வீடு அடுத்து மெழுகுவர்த்தி வெளிச்சதில படிச்சதா - இராம்நாத் கோவிந்து

கலாம் ஐயா எளிமையான குடும்பத்தில் இருந்து வந்தவர் அதும் மட்டும் அல்லாது படிப்பும் ஆற்றலும் இருந்தால் நல்ல வேலை மட்டும் இல்லை நாட்டின் குடியரசு தலைவராக கூட ஆகலாம் என்று உதாரணமாக திகழ்பவர். இவருக்கு முன் அந்த பதவியில் அமர்ந்த ஆசிரியர் போல் இவரும் சொலித்தார்.

எளிமையான குடும்பம் என்றால் அவர்காலத்தில் மின் வசதி இருக்காது, பகட்டான ஆடை இருக்காது, மைல் கணக்கில் நடந்து தான் வருவார்கள் என்ற ஒரு நெடிய வரலாறு உண்டு.

இந்த நிலை எல்லாம் அவரின் இளமை காலத்தில் அவரது பெற்றோர்கள் இவரை பராமரித்து வாழ்ந்த காலத்தில். ஆனால் ஐயா கலாமை நாடு கண்டு வியந்தது அவரது எளிமையான பள்ளி காலத்தில் இல்லை. நாட்டின் குடியரசு தலைவரான பிறகும் அவர் கொண்ட எளிமையான வாழ்க்கைக்கு தான்.

குடியரசு தலைவராக ஆனாலும் தான் வகித்த அறிவியல் துறையில் நாடு இன்னும் எவ்வளவு தொலைவு பயணிக்க வேண்டி இருக்கிறது என்று திட்டமிட வழிவகுத்தவரும் இன்னும் என்ன என்ன பாதையில் இந்திய அறிவியல் துறையில் பயணிக்க வேண்டியுள்ளது என்றது மட்டும் இல்லாது இன்னும் நிறைய துறைகளில் அவரி அனுபவம் பயன்படுத்தப்பட்டது.

கலாம் ஐயா போற்றப்படுவது அவர் வாழ்ந்த அந்த அர்பணிப்பு வாழ்க்கைக்கு தான் என்று இராம்நாத் கோவிந்துக்கும் அவரை சார்ந்து இருக்கும் விளம்பர பிரியர்களுக்கும் இது புரியுமா என்று பார்ப்போம்.

மழையில் ஒழுகுகின்ற வீடு என்று இன்றைக்கு ஆரம்பித்து இருக்கும் இவர்கள் படிப்படியாக மெழுகுவர்த்தி வெளிச்சம், காலில் செருப்பு கூட இல்லாமல் நடந்தார், 2 சட்டை துணிமணிகள் தான் அவரிடம் உள்ளது(ஆனால் கோடிக்கணக்கில் விற்கும் கார் 20 உள்ளது), பல்கலைகழக விடுதியில் பகுதி நேர வேலைப்பார்த்து தான் சங்கபரிவாரங்களுக்கு சோறு வாங்கி கொடுத்தார் என்று எல்லாம் இனி எழுதும் முன் நினைத்து பாருங்கள்.

புலியை பார்த்து பூனை சூடு போட்டுக்கொண்டது போல் ஆக்காதீர்கள் சங்கிகளே.......

இவர் என்ன தான் செய்தாலும் அப்துல் கலாம் ஐயா போல் போற்றவோ பாராட்டவோ பட போவதில்லை காரணம் இவர் வளர்ந்ததும் இருப்பதும் பாசக என்னும் நச்சு கூட்டத்தில். அந்த நஞ்சை உண்டு வளர்ந்தவரிட்டத்தில் அமிர்தமா விளையும்

Thursday, July 20, 2017

இன்றைகு புதிதாக பிறந்த ரௌடி இந்தியா - ஐயோ பாவம் இந்தியர்கள்

பாசகவின் வெற்றிகளை மோடி இப்படி தான் சொல்வார், ஒரு வரியை திருத்தி அமைத்தாலே இந்தியா இன்று புதிதாக பிறந்தது என்று சொல்லும் இவர்களால் மொத்த அதிகாரமும் கைக்கு வந்ததை எப்படி புதிய இந்தியா பிறந்தாக சொல்லாமல் இருக்க முடியும்.

ஏற்கனவே இருக்கும் அசுரபலத்தை வைத்துக்கொண்டு இந்தியாவை ஆட்டி வைத்தார்கள் இந்த பிரிவினைவாத பாசகவினர், இனி என்ன என்ன எல்லாம் செய்யப்போகிறார்களோ.

பாசகவின் குடியரசு தலைவர் இனி வரிசையாக செய்யவிருக்கும் காரியங்கள் இவைகளாக இருக்கும்.

1) ஒத்து வராத மாநிலங்களை வருத்து எடுப்பது மற்றும் ஆட்சியை கலைப்பது

2) மதவாதமும் பிரிவினைவாதமும் பரப்பும் கலவரங்களும் கலவரகாரர்களும் இனி சட்டத்தின் துணையுடன் அதிக பாச்சலில் செயல்படுவார்கள்.

3) சிறுபான்மையினர்கள் வசிக்கும் இடங்களில் இனி அதிகமாக குண்டுகள் வெடிக்கும், சிறுபான்மையினர்கள் அதிக அளவில் கொல்லப்படுவார்கள்.

4) சமூக நீதிக்காக போராடுவோர்கள் மீது கருப்பு சட்டங்கள் பாய்ந்து 20 ஆண்டுகள் சிறையும், சரிவராத மக்களை கொத்து கொத்தாக கொல்ல துப்பாக்கி சூடுகள் நடத்தப்படும்.

5) ஒரு ஆணையில் இந்தியாவின் பணம் செல்லாது என்று சொன்னது போல் எந்த ஒரு விவாதமும் இல்லாமல் இட ஒதுக்கீடு கலைப்படும்.

6) வாய் மொழி உத்தரவாக எல்லா மைய மற்றும் மாநில அரசு அலுவலகங்களிலும் சமூக பாகுபாடுகள் போற்றி வளர்க்கப்படும்.

7) அனைவரும் வழிபடும் கோவில்களில் இன்ன இன்ன நேரங்களில் இன்ன இன்ன மக்கள் தரிசிக்கலாம் என்று ஆரம்பித்து இன்ன இன்னவர்கள் இங்கே இருந்து தான் தரிசிக்க வேண்டும் என்ற வரைவரும், அதுவும் காசு கொடுத்தால் மட்டுமே என்றும் வரும்.

8) இராமர் பிறந்த இடம், வளர்ந்த இடம், சீதையை கொளுத்திய இடம் என்று ஊர் ஊராக நினைவிடங்கள் அமைத்து வழிபட தொடங்கப்படும்.

9) இம் என்றால் சிறைவாசம் ஏன் என்றால் வனவாசம் என்ற நிலைக்கு அனைவரும் தள்ளப்படுவார்கள்.

10) மீதம் இருக்கும் 2 ஆண்டுகளும் இனி இந்தியா கலவர பூமியாக திகழும், இலங்கையில் நடந்தது போல் அதை எதிர்த்து அரவழியில் போராட வீதிக்கு செல்லுவோர் வீடு திரும்ப மாட்டார்கள்.

11) என்ன என்ன காரங்கள் சொல்லி எளியவர்களின் பணம் எல்லாம் பறிக்க முடியுமோ அவை அனைத்தையும் பறிக்கப்படும்.

12) தொகா விவாதங்களில் பேசும் வாதங்களுக்கு வருடக்கணக்கில் சிறையில் அடைக்கப்படுவார்கள்.

13) பேச்சு உரிமை எழுத்து உரிமைகளை ஒரே இரவில் பொடா போன்ற சட்டங்களை கொண்டு மக்களின் குரல் நெறிக்கப்படும்.

14) கோயில்கள் மட்டும் இல்லை இனி எங்கேயும் இந்தியாவில் எளிய மக்கள் விரும்பும் உணவோ உடையோ அணிய முடியாது. யார் யார் என்ன என்ன உண்ண வேண்டும் உடுத்த வேண்டும் என்ற அட்டவணைகள் வெளியிடப்படும் மற்றும் நடைமுறைப்படுத்தப்படும்.

15) வடக்கு கோவில்களுக்கு செல்லும் இடங்களில் தீவிரவாத தாக்குதல்கள் நடப்பது போல் திருப்பதி வரை இந்த தீவிரவாதம் நடக்கும்.

16) ஒரே இரவில் இந்த இந்த ஆதார் ஏண்கள் எல்லாம் இது இது எல்லாம் செய்யமுடியாது என்று படிப்படியாக உரிமைகள் பிடுங்கப்படும்.

17) மோடி எந்த நாட்டிற்கு எல்லாம் முதல் முதலில் சென்று நான் நான் என்று பேசினாரோ அந்த நாடுகளுக்கு குடியரசு அதிபர் சென்று அதே அறிக்கையை நான் நான் என்று முழங்குவார் அது மட்டும் இல்லாது காங்கிரசு அரசை அந்த அந்த வெளி நாடுகளில் வைத்து மோடிப்போல் இவரும் விமர்சனம் செய்வார்.

18) அதாணியும் அம்பாணியும் குடியரசு தலைவரும் கோல்பு விலையாட்டு விளையாடுவதாக அன்றாட செய்தகள் வரும்.

19) திருப்பதி முதல் கேதார்நாத்வரை தினமும் ஒரு கோவிலுக்கு இந்த குடியரசு தலைவர் செல்வார் எலிக்காப்டர்லில் சென்று தரிசித்துவிட்டு தான் தனது பணியை தொடருவார்.

20) பாசக அரசு அல்லாத மாநிலங்களில் அடிக்கடி இந்த குடியரசு தலைவர் வந்து போவார், கூட்டம் நடத்துவார்.

இப்படி ஒரு கட்டப்பஞ்சாயத்தும் தண்டல்காரனான இந்தியா இன்று பிறந்துவிடதே என்று வருந்துவோம். அதோடு மட்டும் இல்லை இன்னும் 10 ஆண்டுகளுக்கு இந்த ரௌடி இந்தியாவில் நடக்க இருக்கும் வன்முறைகளை கடவுளிடம் கூட சென்று முறையிட முடியாத நிலைக்கு தள்ளப்பட்டு விட்டீர்களே மக்கா அனுபவிங்க மக்கா நல்லா அனுபவிங்க. வெறு 15 இலட்சம் பணம் தருவதாக சொன்ன பொய்யை நம்பி ஓட்டு போட்டவர்களே பாருங்கள் உங்களின் பரிதாப நிலையை.......

Thursday, July 13, 2017

பாசக அமைச்சர் மகேசு சர்மாவுக்கு கண் பரிசோதணை செய்யவும் - மோடி காந்தியாம்

இந்த மனிதன் மகேசு சர்மாவுக்கு கண் தெரியவில்லை என்றதை எவ்வளவு கவிதையாக சொல்லியுள்ளார் பாருங்கள். மோடியை பார்த்தால் வழுக்கை தலை பொக்கை வாய்யாய் கூன் விழுத்த கிழவனாய் தெரியுதாம்.

எனக்கு தெரிந்து 56 இஞ்சு மார்பனை இவ்வளவு கீழ்தரமாய் இப்படி யாரும் விமர்சித்து இல்லை.....

அசத்துகிறார்ரப்பா இந்த பாசக அமைச்சர்

அமர்நாத் படுகொலை இன்னும் ஒரு கோத்ராவா

சமீபத்தில் தான் இப்படி ஒரு பதிவை வெளியிட்டோம், நான் மட்டும் அல்ல நிறைய பதிவர்களும் இப்படி ஒரு கவலையை தெரிவித்து இருந்தார்கள்.

கொஞ்ச நாளில் இந்து பக்தர்களை முசுலீம் மக்கள் கொன்றதாக செய்தி வருகின்றது. ஆமதாபாத் அலகாபாத்து அல்லது கங்கை என்றால் கோத்ரா சூதிரமாக இருக்கும் என்று மக்கள் எளிதாக கணக்கிட்டு விடுவார்கள் என்று காசுமீரத்தில் நடத்தி இருக்கிறார்கள் பாசகவினர்(RSS).

இது வெறும் யூகம் இல்லை

1) தாக்குதலில் ஈடுபட்டவர்கள் பிடிபடவில்லை
2) பார்த்தவர்களும் சாட்சி சொல்பவர்களும் இந்து பக்தர்கள்
3) தாக்குதல் நடந்து கொஞ்ச நேரத்திற்கு எல்லாம் உச்சகட்ட பாதுகாப்பும் ஒரு குறிப்பிட்ட இயக்கம் தான் நடத்தியதாக தீர்ப்பே வந்துவிட்டது
4) ஒன்றே ஒன்று தான் பாக்கி இந்த தாக்குதலின் பெயரால் இன்னும் நாட்டில் உள்ள அனைத்து சிறுபான்மையினர்களையும் கொளுத்தும் வேலை மட்டும் தான் பாக்கி

மறுபடியும் சொல்கின்றோம் வெளிப்படையான எந்த ஒரு விசாரணையும் இருக்காது, மெல்ல மெல்ல இந்த சம்பவத்தின் பெயரால் கலவரம் வெடிக்கும் மக்கள் பலியாகபடுவார்கள்.

என்ன பாசக வந்தால் தான் மோட்சம் கிடைக்கும் என்று ஓட்டு போட்ட வடக்கத்தியர்கள் தான் மறுபடியும் இரயில் பெட்டியில் வைத்து வறுத்து எடுக்கபடுவார்கள்......

மக்களே கூட்டமாக இருக்கும் இடங்களை தவிர்த்துகொள்ளுங்கள். சர்ச்சைக்குறிய செய்திகளை பொது இடங்களில் விவாதிக்காதீர்கள்.

பொன்னார் இந்துக்களின் மீது திணிக்கப்படும் வன்முறைக்கு பதிலடி கொடுப்போம் என்று கொக்கறித்திருப்பதை கவனிக்கவும்......

Tuesday, July 11, 2017

இப்படி எல்லாம் செஞ்சா இந்தியா எப்படி வல்லரசாகும் அதுவும் விரைவில்

மோடி அமெரிக்க சென்றார் இராணுவ தளவாடங்களை இத்தனை இலட்சம் கோடி டாலருக்கு வாங்கும் ஒப்பந்தத்தில் கையெழுத்திட்டார்.

மோடி இரசியா நாட்டிற்கு சென்றார் அங்கே இத்தனை கோடி செலவில் இராணுவ தளவாடங்களை வாங்கினார்.

மோடி செர்மனி சென்றார் அங்கே இத்தனை கோடிக்கு இராணுவ தளவாடங்கள்.

இப்படி இது வரை இந்த 3 ஆண்டுகளில் சென்ற 64 நாடுகளிலும் இராணுவ தளவாடங்களை வாங்குகின்றார்.

இன்னும் இலங்கை நேபாளம் வங்களா தேசம் பாக்கிட்தானம் தவிர மற்ற எல்லா நாடுகளிடமும் ஒன்று இராணுவ தளவாடங்களை வாங்குவது அல்லது ஏற்கனவே வாங்கிய தளவாடங்களுக்கு மாற்று பாகங்களை வாங்க வேண்டியது என்று தான் அவரது பயணம் செல்கின்றது.

10 இலட்சம் ஆண்டுகளுக்கு முன்னே அணு ஆயுதத்தை பயன்படுத்தியது புராணங்களில் உள்ளது என்று சொல்லிக்கொள்ளும் நாடு இப்படி உலகில் ஆயுதம் விற்கும் அனைத்து நாடுகளிடமும் இந்தியாவிற்கு ஒரு விமானம் பார்சல் என்று வாங்கும் அளவிற்கு இருக்கிறது இந்தியாவின் தொழில் நுட்ப வளர்ச்சி.

இதிலே 130 செயற்கை கோளை விடுறாங்கலாம் எதுக்குபா அத்தனையும் இப்படி ஊர் ஊரா சென்று ஐயா ஆயுதம் கொடுங்க என்று கையேந்தவா, உள் நாட்டு தயாரிப்புகளான ஆகாசு, பிரம்மோசு, ஆயோக்கு எல்லாம் அவ்வளவு தானா.

பாசகவின் ஆட்சியில் இந்தியில் இந்தியன் இரயில்வே என்றும் ஏர் இந்தியா என்றும் எழுதுவதோடு போதும் என்று நினைகின்றார்கள் போலும்.

அதான் படிக்கும் இடங்களில் எல்லாம் பசுவை பற்றிமட்டும் போதித்தாலும் செயல்பட்டாலும் மட்டும் போதும் என்கின்றதே பாசக பிறகு எப்படி முன்னேறுவதாம்...........

மிச்சம் இருக்கும் நாட்களில் நாடு நாடுகளாக சென்று சட்டைக்கு தைக்க பொத்தான் வாங்கவும் மோடி சென்றால் கூட ஆச்சர்யம் இல்லை தான்.....

ஆயுதங்கள் வாங்கும் போது அவைகளை இயக்கவும் ஆட்களை வாங்கிவரவும், துல்லிய தாக்குதலை துல்லியமாக தாக்கலாம் மோடி.

Monday, July 10, 2017

GST பாசக நசகைச்சுவை நக்கலுக்கு அளவே இல்லையா

நேற்றைய செய்திகளில் சென்னையில் நடந்த GST கருத்தரங்கில் மத்திய அமைச்சர் வெளியிட்டு இருக்கும் கேணத்தனமான அறிக்கை. இப்படி அறிவு கொண்டவர் எல்லாம் நம்மை ஆட்சி செய்யும் அவலம்.

"சென்னை சேப்பாக்கத்தில் உள்ள கலைவாணர் அரங்கில் ஜிஎஸ்டி குறித்த கருத்தரங்கம் நேற்று நடைபெற்றது. இதில் கலந்துகொண்டு மத்திய அமைச்சர் வெங்கய்ய நாயுடு பேசியதாவது: 

எந்த ஒரு மாற்றம் வந்தாலும் அதில் சில பிரச்சினைகள் இருக்கத்தான் செய்யும். முறையாக வரி கட்டுபவர்கள் மற்றும் பொதுமக்களுக்கு ஜிஎஸ்டி-யால் பாதிப்பு இருக்காது. முறை யாக வரி கட்டாதவர்கள்தான் பாதிக்கப் படுவார்கள். 

ஜிஎஸ்டி-யால் வருவாய் அதிகரிப்ப தோடு, நாட்டின் மொத்த உள்நாட்டு உற்பத்தியும் (ஜிடிபி) அதிகரிக்கும். ஜிஎஸ்டி-யால் வணிகர்கள் கவலைப்பட வேண்டியதில்லை. ஏனெனில் அவர்கள் மக்களிடம் வரியை வசூலித்து அரசிடம் அளிக்க உள்ளனர்.

ஜிஎஸ்டி-யை அமல்படுத்துவதற்கு முன்பு அனைத்து கட்சித் தலைவர் களிடமும் ஆலோசனை நடத்தினோம். அதேபோன்று, மறைந்த முதல்வர் ஜெயலலிதாவிடம் நான் ஆலோசனை நடத்தியபோது, “தமிழ்நாட்டுக்கு ஜிஎஸ்டி-யால் தொடக்கத்தில் பயன் இருக்காது. தமிழ்நாடு, குஜராத், மகாராஷ்டிரா போன்ற உற்பத்தி மாநிலங்களுக்கு தொடக்கத்தில் வருவாய் இழப்பு இருக்கும். எனவே, தமிழகத்துக்கு ஏற்படும் இழப்பை ஈடுசெய்ய மத்திய அரசு இழப்பீட்டை அளிக்கும்” என்று தெரிவித்தேன். அதற்கு அவர், ‘ஜிஎஸ்டி சட்டத்தை நிறைவேற்றுவதற்கு அதிமுக குறுக்கே நிற்காது’ என்று தெரிவித்தார். இதற்காக அவருக்கு நன்றி தெரிவித்தேன். "

இதில் கேணத்தனம் என்ன இருக்கிறது என்று தானே கேட்கிறீர்கள், இதோ அந்த கேணத்தனம்

 "ஏனெனில் அவர்கள் மக்களிடம் வரியை வசூலித்து அரசிடம் அளிக்க உள்ளனர்"

இதில் தவறு என்ன இருக்கிறது என்று தானே நினைக்கிறீர்கள் அடுத்த வாசகத்தையும் கவனியுங்கள்

"எனவே, தமிழகத்துக்கு ஏற்படும் இழப்பை ஈடுசெய்ய மத்திய அரசு இழப்பீட்டை அளிக்கும்” என்று தெரிவித்தேன்"

எப்படி இவர்கள் கொண்டுவந்த கோமாளி தனமான வரிவசூலிப்பு முறையால் ஒன்று 10ஆக வரிகட்டி ஏமாந்தவர்கள் தமிழக மக்கள், ஆனால் இழப்பீடை தமிழக அரசுக்கு மைய அரசு கொடுக்கும்மாம்.....

கேட்பவர்கள் கேனையாக இருந்தால் எலி எரோப்பிளேன் ஓட்டுதுன்னு சொல்லுவானுக என்று ஒரு சொல்லாடல் உண்டு அது இது தான் போலும்.

இல்லை தமிழக மக்களுக்கு கொடுப்பதாகத்தான் சொன்னேன் என்று கேணத்தனமாக இன்னும் ஒரு அறிக்கை வராமல் இருந்தால் சரி. அப்படியே தமிழக மக்களுக்கு இந்த புதியவரி வசூலால் அடைந்த நட்டத்தை ஈடு செய்வதாக இருந்தால் எப்படி செய்வார்கள் மைய அரசு...

50 நாளில் தங்கள் வங்கி கணக்குகள் உள்ள வங்கியில் இந்த சூலை 1 முதல் செய்த செலவுகளின் இசேவைகளில் செய்த செலவுகளை கணக்கெடுத்து அவைகளை டக் அன்ட் லூயி முறைபடி நட்டஈடு கொடுக்க சொல்வார்கள் இந்த ஈன அரசு. உழைத்து கொண்டு வந்த பணத்தை பார்த்து கொக்கரித்த அரசிடம் வேறு என்ன எதிர்பார்க்க முடியும்.....
 

GSTயால் உருவான இணை பொருளாதாரத்தை எப்படி சமாளிக்க போகிறார்கள்

கள்ளப்பணம், கருப்புபணம், கணக்கில் வரா பணம், பதுக்கல் பணம் என்று எல்லாம் கூறி இந்தியாவின் பெருமளவு பணத்தை பணமதிப்பிழப்பாக அறிவித்தது பிரிவினைவாத பாசக அரசு.

இந்த நடவடிக்கையின் தேவை என்ன என்று ஏழை எளிய மக்கள் கேட்டதற்கு இந்தியாவில் 1000 ஒரு ரூபாய் நோட்டுகளை வெளியிட்டால் 250 நோட்டுகள் மட்டும் தான் திரும்பி வருகின்றது மிச்சம் எல்லாம் பதுக்கல் ஆகுகின்றது, பிறகு இந்த பதுக்கல் பணமே இணை பொருளாதாரமாற உருவெடுத்து நாட்டின் வளர்ச்சியையே கொல்கின்றது என்று ஒரு வாதம் இணையத்தில் பரப்ப படுகின்றது.

நானும் தான் அலசி பார்க்கின்றேன் நாட்டின் மொத்த பணத்தில் 75% பணத்தை இப்படி அமுக்கி வைத்தால் இருக்கின்ற 25% பணத்தை மட்டும் வைத்துக்கொண்டு எப்படி மற்ற காரியங்கள் எல்லாம் நடக்கின்றது என்று. எப்படி கணக்கிட்டாலும் 75% சதவிகிதம் என்றது மிகவும் மிகைப்படுத்தபட்ட அளவே.

தவிர இப்படி பதுக்குபவர்கள் எல்லாம் தொழிலில் சம்பாதித்த பணம் என்ற கொசுரு தகவல் வேறு தறுகிறார்கள்.

ஒன்றை நாம் புரிந்துகொள்ள வேண்டும், ஒன்றுமே தெரியாத மக்கள் தான் கிடைத்த பணத்தை பதுக்கிவைத்து இருப்பார்கள், ஆனால் தொழில்புரிவோர் அப்படி வைக்க சாத்தியம் இல்லை, இல்லவே இல்லை.

அவனிடம் இருக்கும் உபரி பணத்தை அமுக்கி வைத்து இருக்க எந்த அளவில் தொழில் செய்யும் முதலாளியும் முட்டாள்கள் இல்லை. பிறகு எப்படி இந்தியாவில் அச்சடித்து வெளியிடும் இந்திய ரூபாயில் 75% சதவிகிதம் பதுக்குகின்றார்கள் என்று பரப்புகிறார்கள், அதுவும் துக்ளக் போன்ற செய்தி ஊடகங்களில்....

இணை பொருளாதாரம் நடத்தும் தொழில்கள் எல்லாம் யார் யார் என்று கேட்டால் குருமூர்த்தி சொல்லும் பட்டியல்கள் இவைகள் தாம்.

தண்டல்காரன், வட்டிக்கு விடுபவர்கள், வார சந்தைகளில் வியாபாரம் நடத்துபவர்கள், அண்ணாச்சி கடை நடத்துபவர்கள், தெருவில் கீரை, தயிர், பால் விற்பவர்கள் என்று மனசாட்சியே இல்லாமல் பட்டியலை அடுக்குகிறார்.

குருமூர்த்திகளின் கருத்துப்படி இவர்கள் தான் இந்தியாவின் 75% சதவிகித பணத்தை கையாளும் தொழில் முதலாளிகளா???

இந்தியாவின் ஆய்வறிகைகளின் படி வருமான வரிக்கட்டுவோர் வெறும் 15% மட்டுமே. இது சம்பளம் வாங்கி அந்த பணத்தில் வருமான வரிக்கட்டுபவர்களும் தொழில் நடத்தும் மக்களும் அடக்கம்.

அப்படி என்றால் மீதம் இருக்கும் 85% விகிதமக்கள் எல்லாம் இவர்களின் பிள்ளைகள் மற்றும் பெற்றோர்களா???? கணக்கு இடிக்கின்றதே.......

தற்பொழுது அறிவித்து இருக்கும் GST வரியால் அனேகமாக அனைத்து வியாபாரிகளும் தனது எண்ணத்திற்கு தகுந்தாற்போல் அல்லவா வசூலிக்கிறார்கள். கேட்டால் இன்றையில் இருந்து இவ்வளவு என்று நள்ளிரவு கூத்தில் அறிவித்தது உங்களுக்கு தெரியாதா என்று நக்கலாக கேட்கிறார்கள்.

இந்த புதிய GST வரியால் விலை எல்லாம் குறையும் என்று தான் சொல்கிறது அரசு, இந்த 10 நாட்களில் எந்த பொருளின் விளையும் குறையவே இல்லை, மாறாக தாறுமாறாக ஏகிறித்தான் இருக்கின்றது.

500, 1000 நோட்டுகள் செல்லாது என்று சொன்னபோது கைக்கட்டி வேடிக்கை பார்த்தது போல் தான் இப்போதும் மக்கள் வேடிக்கை பார்க்கிறார்கள் அது மட்டும் இல்லாது எப்படி எல்லாம் இந்த புதிய GST வரியின் பாதிப்பில் இருந்து தப்பிப்பது என்று செலவுகளை குறைத்துகொள்ள மட்டுமே செய்திகளை பரப்புகிறார்கள்.

இதில் மிகப்பெரிய வியப்பு என்றால் இந்த வரிவிதிப்பினால் ஏறிய விலைவாசிகளை கட்டுப்படுத்தாமல் விட்டதையும், அது சீர் செய்யும் வரை இந்த புதிய வரிவிதிப்பை நிறுத்திவைக்க சொல்லி இது வரையில் ஒருவர் கூட நீதிமன்றத்தை நாடாமல் இருப்பது மிகவும் வியப்பாகவும் வேதணையாகவும் விந்தையாகவும் இருக்கிறது.

மக்களும் விழித்துகொள்ளப்போவதும் இல்லை, கொள்ளையர்களும் நிறுத்தப்போவதும் இல்லை, அரசும் புதிய அறிவிப்பு செய்ததோடு சரி வேறு எதுவும் செய்யப்போவதும் இல்லை.

இப்படி கொள்ளை அடித்து வளர்ப்பது தான் இணை பொருளாதாரம் மற்றப்படி குருமூர்த்திகள் சொல்வது போல் வளர்வது இல்லை இணை பொருளாதாரம்.

நல்லா நடத்துராங்கையா அரசு, முதலில் இந்த வரிவிதிப்புகளை கையாளும் முறைகளை முறைமை படுத்திவிட்டு தானே இந்த வரிவிதிப்பை கொண்டு வந்து இருக்க வேண்டும் அதைவிடுத்து, விலை குறையும் குறையும் என்று கூவினால் மட்டும் போதுமா........என்ன என்ன விலைகள் இது வரையில் குறைந்து இருக்கிறது என்று மக்களில் ஒருவராவது சொல்லட்டுமே பார்க்கலாம்.

இந்த இண்டேன் கேசு போடுவேன் என்று சொல்லும் எச்சி ராசா, தமிழிசை, வானதி, பொன்னாரு, குருமூர்த்தி, நாராயணன் இன்னும் சல்லியடிக்கு சங்கிகள் இது வரையில் பதுங்கி இருப்பதும் ஏனோ தெரியவில்லை. எங்கே தைரியம் இருந்தால் வந்து விளக்குங்களேன் பார்ப்போம். நீங்களும் உங்க இணை பொருளாதார விளக்கங்களும்......ஊழலை ஒழிக்க வந்த அவதாரங்களே விளக்குங்கள்...

இதிலே அமெரிக்காவில் 95% மக்கள் வரிக்கட்டுகிறார்கள் என்ற பொய் தகவல் வேறு, அமெரிக்காவில் 95% மக்கள் வருமான வரி கணக்கை தான் கொடுக்கிறார்களே அன்றி வரி எல்லாம் கட்டுவது இல்லை. வருமானம் இவ்வளவு செலவீனம் இவ்வளவு ஆகையால் வரிக்கட்ட தேவையில்லை என்று கணக்கு காட்டுவார்கள். இதிலே பெயருக்கு ஒரு உப்புமா நிறுவனங்களை தொடங்கி அதன் பெயரில் நடக்கு வரி ஏய்புகள் ஏராளம். கடந்த பொருளாதார மந்த காலங்களில் கலிபோர்னியா மாகனம் முழுதும் போன்டியான கதை எத்தனை இந்தியர்களுக்கு தெரியும் எந்த தைரியம் தான் இந்த குருமூர்த்திகளை இப்படி பேச வைக்கின்றது.

Saturday, July 8, 2017

இந்திய பணத்தை இந்தியர்களே அவமானபடுத்தும் அவலம்

ஒவ்வொரு முறை கப்ப வசூல் ராசாக்கள் சளிக்காமல் மிச்சப்பணத்தில் ஒரே ஒரு 10 ரூபாய் நாயணயத்தையாவது வைத்துக்கொடுத்தாலும் வரும் அத்தனை மக்களும் உங்க நாணயம் வேணாம் தாளே கொடு என்று வாங்கி போகின்றார்கள்.

வங்கிகளிலோ 500ரூபாய் கட்டுகளை வாங்கிக்கொள்கிறீர்களா என்று கேட்டுவிட்டு கொடுக்கிறார்கள். 2000 தாளை வங்கியில் கொடுத்தாலும் சில்லரையாக கொடுங்கள் என்று வாடிக்கையாளர்கள் கேட்கிறார்கள்.

எங்கே எந்த கடையில் எது வாங்கினாலும் பணமா கார்டா என்று கேட்கிறார்கள்.

GST வந்ததில் இருந்து விலை குறையும் என்று தான் சொன்னார்கள் ஆனால் உணவு விடுதியில் இருந்து திரைபடம் வரை ஏற்கனவே கொடுத்த விலைக்கு மேல் தான் கேட்கிறார்களே அன்றி குறைவாக இல்லை. இதிலே நொடிக்கு நூறு விளம்பரம் ஒரே நாடு ஒரே வரி என்று.....

யாரை யார் ஏமாற்றுகிறார்கள், கள்ளபணத்தை ஒழிப்பதாக சொல்லி இப்போது ஒரு பெரிய கள்ள சந்தையை உருவாக்கிவிட்டிருக்கிறார்கள். விரைவில் மித்ரோன் என்று நள்ளிரவு மசாலாவுக்கு தயாராகுங்கள் மக்கா.....

Wednesday, July 5, 2017

டீயும் பொறையும் தான் இனி இந்திய தேசிய உணவு என்று சொன்னாலும் ஆச்சர்யபடுவதற்கு இல்லை

மோடி சிறு வயதில் டீ வித்த கடையை கோயிலாக மாற்றி தினமும் டீயும் பொறையும் பிரசாதமாக கொடுக்க ஆரம்பகட்டமாக 100 கோடி ரூபாய் செலவு செய்ய திட்டமிட்டு இருப்பதாக மைய அரசு தெரிவித்துள்ளது.

படிப்படியாக அடுத்து அமித்துசா ஓடி விளையாடிய வீடு, அத்வாணி பிறந்த மாநிலம் என்று பட்டியல்கள் நீண்டுக்கொண்டே போகின்றது.

நல்லவேளை பாசகவோ இல்லை அவர்களது சித்தாந்த இயகங்களான ஆர் எசு எசு இயக்கமோ இந்திய சுதந்திர போராட்டத்தில் பங்கோ அல்லது ஆதரிக்கவோ இல்லை. மாறாக எதிர்த்தது.

ஒரு வேளை போராடி இருந்திருந்தால் இந்தெ 3 ஆண்டுகளுக்குள் ஆர் எசு எசு உருப்பிணர்கள் வீடும் ஊரும் மாநிலங்களமும் கோயிலாக மாற்றி அனைவருக்கும் டீயும் பொறையும் கொடுக்க ஏற்பாடாகி இருக்கும்.

பிறகு நொடிக்கு நூறு முறை சொச்ச பாரத்து என்று வடக்கத்தியர் ஆய் போவதை காட்டுவது போல் டீயும் பொறையும் காட்டுவார்கள்.

டீயும் பொறையும் தான் இனி இந்திய தேசிய உணவு என்று சொன்னாலும் ஆச்சர்யபடுவதற்கு இல்லை....

இன்னும் ஒரு கோத்ரா இரயிலை கொளுத்த பாசக தயாராகிவிட்டது - சங்கிகளின் சிங்கிகள் ஆர்ப்பரிக்கிறது

சென்னையை சேர்ந்தவர் வசூலித்த மற்றும் அவரது பங்காக என்று மொத்தம் 5.65 இலட்ச ரூபாயை ஐஎசு இயக்கத்திற்கு இராணுவ தளபாடங்களையும் அதி நவீன ஆயுதங்களையும் செயற்கை கோள்களையும் வாங்கி குவிக்க பணம் கொடுத்து உதவினார் என்ற செய்தியும் அதற்காக கைது செய்யப்பட்டதாகவும் இன்றைய செய்தி.

கூடவே இந்த 5.65 இலட்ச ரூபாயில் 65 ஆயிரம் ரூபாயில் பல பேர் சேர்ந்து திரட்டியதாகவும், அந்த நபர்களை எல்லாம் கண்டறிந்து தக்க தண்டனையையும், இன்னமும் எவ்வளவு சில்லரை காசுகளை அவர்கள் நன்கொடையாக வசூலித்தார்கள் என்றும் விசாரிப்பதாகவும் செய்தி.

என்னே ஒரு கொடுமை, சென்னை தேர்தலில் 90 கோடி ரூபாய் புதிய 2000 நோட்டுகளில் கொடுத்தாக சொல்லி தேர்தலையே நிறுத்தி வைத்தார்கள் 4 மாதங்கள் இருக்கும், அந்த 90 கோடி கொடுத்தவரையோ அல்லது அந்த பணம் எப்படி பெறப்பட்டது என்றடையோ கண்டுபிடிக்கவோ அல்லது கண்டுபிடிக்க வேண்டும் என்று கூட இது வரையில் ஒரு அறிக்கை பேருக்காவது வந்ததா என்றால் இல்லை.

இது வரையில் காசுமீரத்தல் மட்டுமே மிதந்து வந்த இந்த இசுலாமிய தீவிரவாதம் இப்போது தமிழகத்தின் சில்லரை காசு வசூலித்தாக கைதில் வந்து நிற்கிறது.

மோடி அமெரிக்கா செல்கிறார் திரும்பியவுடன் காசுமீர போராளிகள் தாக்குதல் நடத்துவோம் என்ற கொக்கரிப்பு அதை தொடர்ந்து சில்லரை காசு வசூலித்தாக கைத்து, இந்த அழகில் நேற்று இசுரேலுக்கு 56 இன்சு மார்பன் பயணம் வேறு. 70 ஆண்டுகளாக காத்துக்கிடந்தாக இசுரேல் பிரதமர் சொன்னதாக தகவல் செய்தி தாள்களில்.

வரப்பின் மேல் வாயை வைத்து தேய்கிறார்கள் பாசகவினர், 3 ஆண்டுகளில் காசுமீரம் தவிர மற்ற இடங்களில் இது வரையில் ஒரு பட்டாசு கூட வெடித்தது இல்லை, அந்த ஆற்றாமைக்காக பாசக அரசு வரப்பின் மேல் வாய் வைத்து தேய்த்து பார்க்கிறது.

ஒரு வெங்காயமும் நடக்கப்போவது இல்லை, எவ்வளவு தான் வம்பிழுத்தாலும் ஆவப்போவது ஒன்றும் இல்லை. மறுபடியும் வயதான முதியவர்களை பாசகவே சபர்மதி இரயில் வண்டியில் வைத்து கொளுத்தியது போல் கொளுத்தினால் தான் உண்டு.

Tuesday, July 4, 2017

ஆதார் தான் ஆதாரம் - இன்னும் 30 ஆண்டுகளுக்கு பாசக ஆட்சி தான், அனைத்து மாநிலங்களிலும் பாசக தான்

ஆதாரை வாங்கு இல்லைனா குடிக்க தண்ணீர் கூட வாங்க முடியாத நிலைமையைத் தள்ளப்படுவாய் என்று சொல்கிறது பாசக அரசு. மக்களும் மிகவும் குழம்பிப்போய் தான் நிற்கிறார்கள்.

ரேசன் அட்டை இல்லாமல் எதுவும் கிடையாது என்றார்கள், பிறகு யாரோ ஒருவருக்கோ அல்லது ஒரு குழுவினருக்கோ வாக்காளர் அட்டை அடித்து தரும் ஒப்பந்தம் வழங்கப்பட்டது. உடனே வாக்காளர் அட்டை இல்லாமல் எதுவுமே கிடைக்காது வாங்கு வாங்கு என்று கூவினார்கள். அந்த ஒப்பந்தகாரர்கள் கேட்போருக்கு கிலோ கணக்கில் விற்றது தான் மிச்சமாக வந்தது.

அதன் பிறகு இந்த ஓட்டுனர் உரிமம் அச்சடிக்க புதிய இயந்திரங்களை மா நில அரசுகள் வாங்கியது. அந்த இந்திரங்களை வாங்கியும் பழய உரிமம் இருந்தவர்கள் காலம் வரும் போது புதுபித்து கொள்ளலாம் என்று இருந்தவர்களை புகைபடத்துடன் கூடிய ஓட்டுனர் உரிமம் இருந்தால் தான் எல்லாம் கிடைக்கும் இல்லை என்றால் ஒன்றும் கிடையாது என்று அரசு அறிவித்தது.

பிறகு மைய அரசு 25,000 ரூபாய்க்கு மோல் பணபரிவர்த்தனைக்கு பான் கார்டுகளை பயன்படுத்த வேண்டும் என்று ஒரு விதியை கொண்டு வந்தது. இந்த சட்டம் வரும் போது 25,000 ஒரு பெரிய தொகை, அனால் இன்றோ கையேந்தி பவனில் இரவு உணவு சாப்பிட்டாலே 300 ரூபாவை தாண்டுகிறது என்ன கணக்கோ நிதியமைச்சரை கேட்டால் தான் தெரியும்.

பிறகு இப்போ ஆதார் அட்டையை அடிச்சு கொடுக்கிற ஒப்பந்தத்தை யாருக்கு கொடுத்தானுவலோ லோ லோன்னு எல்லாத்துக்கும் ஆதார் அட்டை இல்லைனா திருப்பதி லட்டு கூட கிடைக்காதுன்னு நிலைமை.

இப்படி ஆதார் ஆதார்ன்னு அலைய ஒப்பந்தகாரர்கள் மட்டும் காரணம் இல்லை, மாறாக படிப்படியாக மக்களை ஆதார் இல்லை என்றால் குறிப்பிட்ட பொருளோ அல்லது செயலோ செய்வதற்கு இல்லை என்று மெதுவாக பழக்கப்படுத்தி வருகிறார்கள் பாசகவினர்.

 நாளை தேர்தல் நடக்க இருக்கும் நாட்களுக்கு முன் ஆதார் அட்டை இல்லாதவர்கள் ஓட்டு போட முடியாது என்று அறிவிப்பார்கள் இவர்கள். மைய அரசின் கொள்கை முடிவில் மக்கள் உரிமை மீறப்படுகின்றது என்று எந்த எந்த நீதிபதிகள் எல்லாம் கூறினார்களோ அவர்களை எல்லாம் மாற்றிவிட்டு ஆமாம் சாமி போடும் நீதிபதிகளாக களம் இறக்கியுள்ளார்கள் பாசகவினர்.

 நாளையே நீதிமன்றம் சென்று ஆதார் அட்டையை தேர்தலுக்கு கட்டாயம் ஆக்க கூடாது என்று கேட்டால், 5 வருடமாக ஆதார் அட்டையை பெற முடியவில்லை என்றால் அவர்களுக்கு தேர்தலில் விருப்பம் இல்லை என்று தான் சொல்வார்களே அன்றி திணிப்பது தவறு என்று சொல்ல மாட்டார்கள்.

திருப்பதியில் இலட்டு வாங்க ஆதார் அட்டை எதற்கு ஒரு ஞாயமான காரணத்தை சொல்லுங்கள் பார்ப்போம். கள்ள வழியில் இலட்டு விற்பதை தடுக்க என்று மட்டும் சொல்வார்கள் பிறகு சட்டம் ஒழுங்கு வருமான வரித்துறை என்று எல்லாம் எதற்கு ஐயா சம்பளம் கொடுத்து வேலைக்கு ஆள் வைத்து இருக்கிறீர்கள் என்று கேளுங்கள், ஒரு ஆதார் அட்டைய வாங்க உங்களுக்கு இவ்வளவு கடினமா என்று நம்மையே திருப்பி கேட்பார்கள்.

ஆதார் அட்டையை கட்டாயாமாக்கிவிட்டால் ஒரு ஊரில் மொத்தம் 300 ஓட்டு என்றால் 299 ஓட்டுகள் வரை பதிவானது என்று எல்லாம் இனிமேல் வர வாய்ப்பு இல்லை என்று சந்தோசப்படலாம்.

ஆனால் எந்தனை மக்களின் ஆதார் அட்டைகள் தேர்தல் நாளன்று வேலை செய்யாமல் போகும் என்றது உங்களுக்கு தெரியுமா, இப்பவே வயதானவர்களின் கை ரேகைகளை எடுக்கமுடியாமல் அலை பேசிக்கு இணைப்புக்கூட கொடுக்க முடியாமல் விழி பிதுங்குகிறது ஆதார் அட்டையை கொண்டு இணைப்பு கொடுப்பவர்களால். பிறகு தேர்தல் நேரத்தில் மட்டும் எப்படி இந்த ஆதார் அட்டைகள் வேலை பார்க்கும்.

ஆக அந்த ஊரின் 300 ஓட்டுகளில் கிட்டதட்ட 150 ஓட்டுகள் தான் தேறும். அப்படியே தேறிய ஓட்டில் பாசக அல்லாத ஓட்டுக்களை பெயர் முகவரி படங்கள் வைத்து ஊருக்கு ஊர் அடையாளம் காண்பது எளிது.

அப்படி அடையாளம் காணப்பட்ட வாக்காளர்களின் ஆதார் அட்டைகள் தேர்தல் நாளன்று வேலை செய்யவிடாமல் தடுப்பதற்கு ஒன்றும் பெரிய ஆராய்ச்சி எல்லாம் செய்ய தேவை இல்லை. ஒரே ஒரு டேட்டா பேசு அப்டேட்டு மூலமாக ஊர் ஊராக அழகாக கவித்து விட முடியும்.

தேர்தல் முடிந்து முடிவுகள் செல்லாது என்று அறிவிக்க நீதிமன்றம் சென்றால் அன்றைக்கு மோடி புதிதாக ஒரு இந்தியாவை பெற்று எடுத்திருப்பார், அந்த புதிய இந்தியாவில் ஆதார் இல்லாதவர்கள் எல்லாம் ஏற்கனவே பாக்கிட்தானத்திற்கு போக மோடியின் சம்பந்தி நவாசு சரீப்பிடம் சொல்லி பாசுபோர்டு விசா எல்லாம் வாங்கியாச்சு என்று ஒரு நடு இரவு மசாலாவில் மோடி அடவு கட்டி ஆடுவார்.

பிறகு என்ன மறுபடியும் ஒரு 5 ஆண்டுகள் உருண்டோடும், 5 ஆண்டுகள் நடக்கப்போகும் அந்த வழக்கில் இனி வரும் தேர்தல்களில் இந்த இந்த விதி முறைகளை எல்லாம் கடைபிடிக்க நீதிமன்றம் நிபந்தனைகள் விதிக்கும், பாசக அவைகளை எல்லாம் அப்படியே எடுத்துகொள்ளத் தேவை இல்லை என்று அழகாக சொல்லும். பிறகு பரோட்டா சோக்கு மாதிரி மறுபடியும் முதல்ல இருந்து. இப்படியே சளிக்க சளிக்க அட்சி செஞ்சு அவர்களுக்குள் ஒரு துரோகி கிளம்பி வெளியில் வந்தால் தான் எல்லாம் முடியும். அந்த துரோகிக்காக இந்தியா இன்னும் எத்தனை ஆண்டுகள் காத்துகிடக்க வேண்டி இருக்குமோ......

பயணிகளை காட்டி உணவு விடுதியில் பிச்சை எடுக்கும் அரசு பேருந்து ஓட்டுனர் மற்றும் நடத்துனர்

வெறும் 70 கிலோ மீட்டர் பயணம், அதுவும் சென்றடையும் ஊருக்கு 15 கிலோமீட்டர் தொலைவில் வண்டியை 35 நிமிடம் போட்டு வைத்து ஓசியில் டீயும் பொறையும் வாங்கி திங்கிதுங்க இந்த பிச்சைகார ஓட்டுனரும் நடத்துனரும். ஏன் என்று கேட்டதுக்கு அந்த ஓட்டுனர் நேற்றைய இரவு 3 மணிக்கு வண்டிய எடுத்தானாம் இப்போ மணி இரவு 2 ஆச்சாம் அதானாம்.

என்னவோ நேற்றைய இரவு 3:00 வண்டி எடுத்த இத்தனை மணி நேரத்திற்கு பிறகு இவ்வளவு நேர ஓய்வு என்று அழகாக நேரம் ஒதுக்கி தான் இவர்களுக்கு அட்டவணை எல்லாம் கொடுக்கிறார்கள். இருந்தாலும் இந்த பிச்சைகார பயலுக ஓய்வெடுக்க குடுகிற நேரத்தை வீணாக்கிவிட்டு நம்மள காட்டி இல்ல பிச்சை எடுக்குதுங்க.........உங்களுக்கு எல்லாம் வெட்கம் மானம் சூடு சொறனை எல்லாம் எதுமே இல்லை போல......வீடு வாசல் எல்லா இல்ல......

எல்லோரும் தான் வேலைக்கு போறாங்க உங்களை மாதிரியா நடுரோட்டுல வண்டிய போட்டுட்டு திங்குராங்க. அவனவன் வீட்டுல பொண்டட்டி சமையல் செஞ்சு குடுத்துவிடல. அதை அழகா சாப்பிடுகிற நேரத்தில் அவனவன் சாபிடல. உங்களுக்கு மட்டும் ஏன்யா இந்த ஈன புத்தி, அந்த 50 ரூவா காசுல பங்களாவ கட்டபோரீங்க பிச்சைகார பயல்வுலா.........

காசுமீரில் இருக்கும் தீவிரவாத அமைப்பை என்ன செய்யனும்னு டிரம்பு சொல்லனுமாக்கும்

தனம் தினம் ஒரு புதிய இந்தியாவை பெத்து போட்டுட்டு மோடி ஊர் சுத்த போயிடுவாரு உதவாக்கரை அப்பன் மாதிரி, அந்த புதிய இந்தியாவில் அதுவும் வடக்கில் நாளுக்கு நாள் கொலைகளை நடப்பதை என்னவோ கத்திரிக்காய் விலை ஏறியது போல் மோடியும் பிரணாப்பு முகர்சியும் கண்டிகிறார்கள். ஏம்பா இனிமே கத்திரிக்கா விலை எல்லாம் ஏத்தாதீங்கப்பான்னு சொல்வதை போல் இந்த கொலைகளை ஏற்றுக்கொள்ள முடியாதாம். எவனெவன் கண்டுபிடிச்சு தூக்குல ஏத்துரத விட்டுப்புட்டு ஒப்புக்க முடியாது, மாட்டே அப்படி இப்படின்னு பசப்பு வார்த்தைகள்....

இதிலே அமெரிக்காவுல 1000 கார் படை சூழ ஊர்வலமா மோடி சென்றார்ன்னு சங்கிகளின் சிங்கி வேற. அப்பா இந்த கொசுத்தொல்லை தாங்க முடியலப்பா யாராவது வந்து கொஞ்சம் கொசுவிரட்டி மருந்து அடிங்கப்பா.....

அமெரிக்காவின் காயலாங்கடையில் போட்டு வைத்து இருக்கும் பழைய மற்றும் எதுக்கும் உதவாத இராணுவ தளவாடங்களை அதி நவீன ஆயுதமாக இந்தியாவுக்கு சொல்லி ஒரு விலை போட்டு எடுத்துட்டு போ என்றதும். இதோ வருது பிரம்மாசு, அதோ வருது விசுனுசு, இங்கே பார் பசு, அங்கே பார் பசு சாணி என்று பழையபாடல்களை எல்லாம் பாடி வாங்கி வந்த கையோட காசுமீர போராளிகளிடம் இருந்து இப்படி ஒரு செய்தியை தலைப்பு செய்தியக......இன்றைய நாளிதழ்களில்.......

சென்ற முறை கார்கில் இதே பிரிவினைவாத பாசக ஆட்சியில் இந்த முறை எங்கேயோ, எப்படியோ போரின் பெயரை சொல்லி சிங்கி அடிப்பது, மா நிலங்கள் தோரும் வசூலிப்பது. பிறகு பிரம்மாசு விட்டோம் விசுனூசு விட்டோம்னு கதைவிடுரது துல்லிய தாக்குதல் மாதிரி. இது வரையில் பாக்கிட்தானத்தின் எந்த எல்லையில் எவ்வளவு தூரம் உள்ளே சென்று அடித்தார்கள் என்று தெளிவுபடுத்தவில்லை.

மோடியின் சம்பந்தி நாவாசு சரீப்பு கூட அப்படி எதுவும் நடந்தா விளையாட்டுக்கு கூட சொல்லவில்லை.

ஒன்றை நன்றாக புரிந்து கொள்வோம், ஒரு நாட்டின் இராணுவ எல்லைக்குள் இன்னொறு நாட்டின் இராணுவம் நுழையுமானால் போர் வெடிக்கும். என்னவோ இவனுங்க போனாங்களாம், அவனுங்க எல்லாம் பீடா சாப்பிட்டுகிட்டு தம்மடிச்சுகிட்டு இருந்தானுவனாம், இவனுங்க அடி அடி என்று அடித்தானுங்களாம் அவனுங்க வலிக்குது அப்புரம் அழுதுடுவேன்னு சொன்னாங்களாம் அதை உலகம் அங்கரிச்சுடிச்சுன்னு மோடி அவருக்கு அவரே நற்சான்றிதழ் கொடுத்துகிறார்.

முதல்ல அப்படி ஏதாவது நடந்தால் தானே கண்டிக்க அப்படி எதுவுமே நடக்காத போது கண்டிக்க மற்றவர்கள் எல்லாம் என்ன பாசகவை சேர்ந்தவர்களா என்ன.........

திருவாளர் மோடி போய் அடுத்த புதிய இந்தியாவை பெத்துக்க என்ன திட்டம் என்று அந்த ஆயோக்கியர்களை போய் கேளும் அதை விடுத்து சும்ம சிரிப்பு காட்டிக்கிட்டு......

Saturday, July 1, 2017

எத்தனை முறை அடி வாங்கினாலும் திருந்தாத ப சிதம்பரம்

சென்ற முறை நடத்திய நல்லிரவு மசாலாவை பற்றி விமர்சித்த சிதம்பரத்தையும் அவரது மகனையும் படாதபாடு படுத்தியது இந்த பிரிவினைவாத பாசக அரசு. இவ்வளவு வாங்கியும் ஒரு வரி அமலுக்கு வந்த முதல் நாளே விமர்சிக்கின்றார்.

தமிழக அரசை பாருங்கள் கை வாய் பொத்தி இன்னமும் குனிந்தே இருக்கிறார்கள் அவர்களை பார்த்தாவது கற்றுக்கொள்ள கூடாதா.

வீட்டில் இருக்கும் சின்ன குழந்தை ஒரு சிறு பொம்மையை எடுத்து அடுத்த இடத்தில் வைக்கும், உடனே வீட்டில் இருக்கும் பெரியவர்கள் அந்த குழந்தையை பார்த்து அட இங்க பாரேன் எவ்வளவு பெரிய பொருளை எடுத்து அங்க வச்சிடான் என்று புகழுவார்கள், அவரை தொடர்ந்து வீட்டில் இருக்கும் அனைவரும் அந்த குழந்தையை தூக்கு அந்த அற்ப காரியத்திற்கு முத்தம் கொடுப்பது முதல் இன்னும் என்ன என்ன எல்லாம் கொடுக்க முடியுமோ அத்தனையும் செய்வார்கள்.

அது போல இருக்கிறது இந்த பிரிவினைவாத பாசக அரசு செயல், ஒரு அற்ப அறிவிப்பு அதை தெரிவித்துவிட்டு போகவேண்டியது தானே, அதை என்னவோ சிறுபிள்ளையின் பொம்மை விளையாட்டை பெரியவர்கள் புகழ்வது போல் இவர்களே தம்பட்டம் அடிக்கிறார்கள். மேலும் உலகிலேயே முதன் முறையாக என்ற வசனம் வேறு அப்பப்பா இந்த பிரிவினைவாத சிறுகுழந்தை எப்போது தான் பெரிதாக வளருமோ. நாட்டு மக்களின் வரிப்பணம் என்றைக்கு தான் சரியான செலவுக்கு பயன்படுத்த படுமோ எப்போதுமே வெறும் தம்பட்டத்திற்கு மட்டும் எவ்வளவு தான் செலவு செய்வார்கள் இந்த தற்பெருமை ஆயோக்கியர்கள்.......

இவர்களின் அடிவருடி தனமலரில் 12வது பக்கத்தில் வந்து இருக்கிறது இந்த ஒரு வரி செய்தி. அவ்வளவு தான் மதிப்பு இந்த செய்திக்கு. இதற்கு ஏன் இவ்வளவு வெட்டி செலவு யோகம் தினம் அன்று ஒரு நாள் மட்டும் யோகம் செய்ய கோடி கோடியா கொட்டி அழித்தை போல்.........

Thursday, June 29, 2017

வனமகன் - George of the Jungle (1997) -- சரக்கு தீர்ந்த இசையின் கடைசி சொட்டில் வந்த படம்

படம் ஒரு வழி தவறிய காட்டுவாசியையும் சொந்தங்களை தொலைத்த ஒரு நகரவாசியையும் பற்றிய படமாம்.

நல்ல வேளை காட்டுவாசி என்றால் தேன் எடுப்பது, மீன் பிடிப்பது, இரவில் கூட்டமாக தீ மூட்டி ஆட்டம் ஆடுவது என்று மட்டும் நிறுத்திவிட்டார்கள். தேனும் தினைமாவும் தின்பது, ஒரு பெரிய பாத்திரத்தில் அந்த வழியாக வரும் மனிதர்களை எல்லாம் போட்டு உயிருடன் கொதிக்க வைத்து கை கால்களை பிய்த்து திங்கும்படி காட்டவில்லை.

தமிழ் சினிமாவில் மட்டும் இல்லை ஆங்கிலப்படம் அவதாரிலும் இதையேத்தான் காட்டினார்கள். இந்த காட்டுவாசிகள் உண்மையில் வாழ்க்கையில் என்ன தான் செய்வார்கள் யாராவது ஒருவராவது உண்மையை பதிவு செய்யுங்கப்பா....

கமலின் மகள் இன்னும் ஒரு 10 ஆண்டுகளுக்கு முன்னால் இருப்பது போல் ஒரு பெண் தான் அந்த நகரவாசி. பெரும் பணக்காரர், எப்படி பட்ட பணக்காரர் தெரியுமா தனது பிறந்த நாளை போரா போரா தீவிலும், காலை விருந்தை சப்பான் நாட்டு உணவில் தொடங்கி இரவு உணவு அமெரிக்க உணவு வரை சாப்பிட்டு பழகிய பணக்காரியாம்.

வசந்த மாளிகைன்னு ஒரு படம் அதிலே ஒரு சமத்தானத்து சமையல் அறையையும் அனைவரும் அமர்ந்து சாப்பிடும் காட்சியையும் காட்டுவார்கள். எல்லாம் மிகையாக இருப்பதாக காட்டுவார்களே அன்றி இப்படி ஒரு பக்கித்தனமாக ஒரு காட்சியை பணக்கார வீடாக காட்டவில்லை. அதே சமயம் இளமை ஊஞ்சல் ஆடுகிறது படத்தில் கமல் Hotdogகை சாப்பிடக்கேட்பார் அதுவும் ஒரு ஓட்டலில் கேட்பார். அதுக்காக அந்தந்த உணவை எல்லாம் வீட்டில் சமைக்க சொல்லி யாரும் கேட்டது இல்லை சமைப்பதும் இல்லை.

இது எந்த ஊரோ இப்படி ஒரு நகரவாசி, அனேகமாக இயக்குனர் பணக்காரர்களை பார்த்து கூட இருக்கமாட்டார் போலும்.....

காட்டுவாசி கடைசிவரை ஒரு ஊமையை போல் காட்டியுள்ளார்கள்.....ஏன் இந்த குழப்பம்.....George of the Jungle (1997)கில் எழுதாக வசனங்களை எப்படி இரவி பேசுவார் அது தான் கடைசி வரை தொண்டை விக்கிகிச்சு

அந்த ஆங்கிலப்படத்தில் குரங்கு கிளி என்று ஏகப்பட்ட விலங்குகளின் மனக்குரல் கேட்க்கும் அதையே காட்டினால் அந்த படம் என்று கண்டுபிடித்துவிடுவீர்கள் என்று கதை களத்தை ஒரு பேராசை பிடித்த மனிதனின் கண்காணிப்புல் வளரும் அனாதை என்று காட்டிவிட்டார்கள்.

படத்தின் பாடல்கள் கார்கியாம் அவரை கூப்பிட்டு வந்து தான் என்னப்பா அது டம் டம் டம் என்று பாடுகிறார்களே மகிழ்மதி பாதிப்பா என்று கேட்க வேண்டும்......

முதல் பாடல் அமெரிக்காவில் தற்பொழுது வானொலிகளில் சக்கை போடு போடும் பாட்டை அது இது என்று தமிழ் வார்த்தைகளை நிறப்பியபாடல், இரண்டாவது வசீகராவின் இன்னும் ஒரு வர்சன், மூன்றாவது பாடல் முதல் பாடலை இருட்டில் எடுத்த பாடல் இசையும் காட்சியும் விளக்கனைத்த பாடல். நான்காவது பாடல் நானே வருவேன் அங்கும் இங்கும் மெட்டில் மறு உருவாக்கம். இந்த பாடலின் நானே வருவேன் சரணம் அனைத்து இடங்களிலும் வந்து வந்து போகின்றது, ஏன் வசீகராவை போட வேண்டியது தானே.....

படம் முடிந்து வரும் போது எந்தப்பாட்டு வரிகளிலும் ஒன்று கூட நினைவில் இல்லாத அளவிற்கு ஒரு வரட்சி இந்த படத்தில். இனியும் மக்கள் ஆரிசு செயராசை சென்று இசையை கேட்கிறார் என்றால்........என்ன சொல்வது.....அதுவும் இந்த படதிற்கு பின்னணி இசையை பற்றி எழுதியே ஆகவேண்டும். என்ன ஒரு மேதாவி தனம், நகரம் வீடு என்றால் புரூ காப்பி, லியோ காப்பி விளம்பரத்தில் வரும் இசையை அப்படியே சப்பிடும் இடம் சமையலரை எல்லாம் வரும் காட்சியில் ஒலிக்கவிடுகிறார். காட்டு வாசி நகரவாசி வீட்டில் வரும் காட்சிக்கு எல்லாம் ஒரு அற்பமான மட்டமான ஒரு இசை அதை நன்றாக இருப்பதாக யாரோ சொன்னார்கள் போலும் அதனால் எல்லா இடங்களிலும் அதே இசையை மறுபடியும் மறுபடியும் போட்டுள்ளார் சகிக்கவில்லை.

செயம் இரவிக்கும் அந்த புது பொண்ணுக்கும் இந்த George of the Jungle (1997) ஆங்கிலப்படத்திற்கு தான் குத்தாட்டம் போடப்போகின்றோம் என்று தெரியாது போலும். அப்படி இருந்திருந்தா கொஞ்சம் அடக்கியே வாசித்து இருப்பார்கள். இன்னும் இது போல் நிறைய ஆங்கிலப்படம் இருக்கிறது எடுத்து அந்தமான் போராளி இலங்கை போராளி என்று எல்லாம் புருடா விடுங்கள் எவன் கேட்க்கப் போகிறார்கள்.....

Wednesday, June 28, 2017

மோடி இனி அவ்வளவு தானா உடல் மொழியை பாருங்கள் உங்களுக்கே தெரியும்

56 இஞ்சு மார்பன் வீராதி வீரர் சூராதி சூரர், உடல் மொழியை பாருங்கள் வேண்டா வெறுப்பாய் டிரம்பும் வலுக்கட்டாயமாக மோடியும் என்ன ஒரு அடிமை செயல்......


வாழ்க்கையின் இறுதி கட்டத்திற்கு வந்துவிட்டது போல் ஒரு பதற்றம் முகத்தில், அதுவும் சர்வதேச யோகா தினம் என்று தேடினால் முதல் ஆண்டில் வெளியிடப்பட்ட படங்களை தவிர ஒரு 10 படங்கள் மட்டும் வருகின்றது. இந்த நாளுக்கு இவ்வளவு பில்டப்பு.....






இதோ இன்னோர் கோணம் அந்த சோகம் முகத்தில் அப்பட்டமாக தெரிகின்றது. ஒரு வேளை சுசுமா சுவராசு வந்தது போல் ஏதும் உயிர் கொல்லி நோய் தொற்றி இருக்குமோ இவருக்கு அது தான் இப்படி ஒரு சோகமா இல்லை நன்றாக எங்கேயாவது மாட்டிக்கொண்டு விட்டாரா இந்த கவலை அவர் முகத்தில்.

விவேகம் படமும் ஆங்கிலபடம் shooterம் ஒன்றா

ஆங்கிலத்தில் shooter  என்ற படம் வந்தது அந்த படம் ஒரு நண்பனை பறிகொடுத்த இராணுவ வீரனை பற்றியபடம். நாட்டில் உள்ள அரசியல்வாதி தேச பற்றின் பெயரால் அடுத்த நாட்டு மக்களை கொத்து கொத்தாக கொல்வதும். நாட்டின் பிரதமர்/அதிபரை கொலை செய்ய அயல் நாட்டினர் திட்டமிட்டுள்ளதாகவும். எப்படி எல்லாம் தாக்க வாய்ப்பு இருக்கிறது என்று யூகித்து சொன்னால் காப்பாற்ற வசதியாக இருக்கும் என்று சொல்லி அந்த வாய்ப்பான இடத்தில் வைத்து அதிபரை/பிரதமரை கொலை முயற்சி செய்து பழியை உதவிய அந்த இராணுவ வீரனின் மேல போடுவதாக கதை.

அந்த இராணுவ வீரன் தப்பித்தானா, சதியாளர்கள் மாட்டினார்களா என்று எல்லாம் திரைகதை பறக்கும். இதிலே பனிபடர்ந்த மலையில் ஒரு காட்சி, மிகவும் பிரமாண்டமாகவும் பிரமிப்பாகவும் அமைந்த காட்சி அது. எப்படி எடுத்து இருக்கிறார்கள் என்று பார்க்க நானும் ஆவலாக உள்ளேன்

தமிழகத்தில் ஆட்சியை பிடிக்க மோடி அமெரிக்கா வரை சென்று புகார் அளிக்க தேவை இல்லை

அமெரிக்காவில் பயங்கர வாதத்திற்கு எதிராக போராட இந்தியாவும் அமெரிக்காவும் கூட்டாக செயலாற்ற வேண்டுமாம்.

இந்த 3 ஆண்டுகளில் பயங்கரவாதம் என்றால் அது பசுவின் பெயரால் நடத்தப்பட்ட கோர தாண்டவம், அகண்ட இந்து பாரதம் என்ற பெயரில் காலாச்சார காவலர்களை ஏவிவிட்டு பெண்களை கொடூரமாக கொலை செய்த செயல்கள் மற்றும் பெரு நிறுவன அடிமைகளாய் அவர்கள் ஆட்டுவிக்கும் அட்டதிற்கு எல்லாம் காவல் துறை மற்றும் இராணுவத்தை கொண்டு குடிமக்களை கொல்வதுமாகத்தான் நடந்து வருகின்றதே அன்றி வேறு எதுவும் தீவிரவாதம் இதியாவில் இந்த 3 ஆண்டுகளில் நடை பெறவில்லை.

அப்படி இருக்க வேறு எந்த தீவிரவாதிகளிடம் போரிட மோடி அமெரிக்கா வரை சென்று புகார் கூறவேண்டிய அவசியம் என்ன....

எல்லாம் இந்த பாழாய் போன தமிழ் தீவிரவாதிகள் தான், டாசுமார்க்கு, நெடுவாசல், சல்லிக்கட்டு, பீட்டா, வீராணம் என்று ஏதாவது ஒரு தீவிரவாதத்தை மக்கள் பரப்பிக்கொண்டு தான் இருக்கிறார்கள். எச்சி ராசாவும் எவ்வளவு முறை தான் ஆண்டி இன்டியன் என்று கூவுவார் பாவம் அது தாம் அமெரிக்காவை கூட்டுக்கு சேர்த்து தமிழகத்தை கூட்டு பொரியல் என்று வைக்க போகிறாராக்கும்........

Tuesday, June 27, 2017

கூடங்குளத்தின் உண்மை நிலை என்ன ஆள்ளாளுக்கு குழப்புராங்களே

நன்கு தெரிந்த ஒரு நண்பரின் மூலம் கூடங்குளத்தில் நடக்கும் நடப்புகளை அழகாகவும் அறிவியல் பூர்வமாகவும் அழக்காக விளக்கினார்.

அதுவும் அதிகம் புரளி பேசப்பட்ட குளிரூட்ட எடுத்து மீண்டும் கடலுக்குள் விடும் நீரை பற்றிதான் அதிகம் பொங்கி எழுந்தார்கள். இவர் சொல்வது போல் உள்ளே இழுக்கப்படும் தண்ணீர்ன் அளவும் திரும்ப வெளியில் விடப்படும் நீரின் வெப்பமும் நேரெதிராக இருக்கும் என்றும், வெப்பம் 5 டிகிரி செல்சியஸ்க்கு மிகாமல் இருக்கும் வண்ணம் அதிக அளவு நீர் புழக்கத்தில் வைத்துள்ளார்கள் என்றும் விளக்கினார்.

அதுவும் 3 சுழற்சி முறையில் தண்ணீர் தனித்தனியாக பயன்படுத்தபடுவதையும் விளக்கினார். அணு கொதிப்புக்கு இருக்கும் கன நீர், அதை கொண்டு சூடேற்றப்பட்ட அடுத்த பயன்பாட்டு நீர் மற்றும் இந்த இரண்டு நீரையும் குளிரூட்ட நீர் என்ற 3 வகையையும் விளக்கினார்.

பயன்படுத்திய கதிரியக்க பொருட்களை அந்த கூடத்தின் மற்ற ஒரு சேமிப்பு பகுதியில் சேர்த்து வைத்து கதிரியக்கம் குறையும் வரையும் அப்படியே தோரிய செறிவூட்டலும் நடக்கின்றதும் என்று விளக்கினார்.

ஒரு வேளை அணு உலை வெடித்தால் என்று கேட்கப்பட்ட கேள்விக்கு, அப்படி நடப்பின் அணு உலையின் உள் நீர்புகும் உள்ளிருந்து எதுவும் வெளியேறா வண்ணம் அமைப்புகள் வடிவமைக்கப்பட்ட அணு உலை இது என்று விளக்கினார்.

 நாள் ஒன்றுக்கு 20 கோடி ரூபாய்க்கு மின்சாரம் தயாரிக்கிறது இந்த அணு உலை என்றும். அடுத்த 39 வருடங்களுக்கு இது பயன்பாட்டில் இருக்கும் என்று விளக்கினார்.

பின்னர் ஏன் இவ்வளவு போராட்டம் என்ற கேள்விக்கு சுருக்கமாக நாம் ருஷ்யாவிடம் இருந்து அணு பொருட்களையோ நுட்பத்தையோ வாங்குவது மேற்கு நாடுகளுக்கு பிடிக்கவில்லை ஆகவே அவர்களது அரசு சாரா அமைப்புகளை பயன்படுத்தி மக்களுக்கு தவறான தகவல்களை பரப்புகிறார்கள் என்றும் விளக்கினார்.......

யாரை நம்புவது.........

Friday, June 23, 2017

GSTயால் மக்களுக்கு நன்மையா தீமையா -- விட்டில் பூச்சுகளாய்

இந்த வரிவிதிப்புக்கு எவ்வளவு அழகாக திட்டம் தீட்டி உங்கள் ஊரில் இருக்கும் அண்ணாச்சி கடைக்காரர் உங்களை விட அதிகம் சம்பாதிக்கிறார். கருப்பு பணமாக சம்பாதித்து அவர் அனுபவிக்கும் வசதிகளை பாரீர் என்று வீர வசனங்கள் பேசியது போல் இப்போது இந்த வரிவிதிப்பை அழகாக பேசி ஏமாற்றி இருக்கிறார்கள்.


பாசக அரசின் திட்டங்கள் அனைத்தும் முதளாலிகளின் கொள்ளை இலாபத்திற்கு தானே அன்று மக்களின் வசதிக்கு என்றும் கிடையாது.


இதை பக்கம் பக்கமாக எழுதி நிருபிக்க வேண்டியது இல்லை இங்கே சுருக்கமாக பார்ப்போம்........


இந்தியா சுதந்திரம் அடந்ததில் இருந்து சென்ற முறை ஆட்சியை பாசக அரசு பிடிக்கும் வரையில் பெட்ரோல் மீதான வரியை ஒரு கணக்கில் சேர்த்து வைத்து அந்த கணக்கில் வரும் வட்டியை வைத்துக்கொண்டு, டீசல் மற்றும் மண்ணெணை விலையையும் கட்டுப்பாட்டுக்குள் வைத்து இருந்துதார்கள் அன்றைய அரசு.


எவ்வளவு மாற்றங்கள் வந்தாலும் விலைவாசி ஒரு சின்ன ஏற்றத்திற்கு மேல் ஏற மறுக்கிறதே என்று அன்றைய பாசகவின் ஆயோக்கியர்கள் அமர்ந்து யோசித்ததில் அவர்கள் கண்டுபிடித்தது. இந்த டீசல் மானியம் எல்லா அதார பொருளின் விலையையும் கட்டுக்கோபில் வைத்துள்ளது. அப்படி டீசல் விலையை உடைக்க வேண்டும் என்றால், இந்த மானியத்தை உடைக்க வேண்டும். என்ன செய்யலாம் என்று பார்த்து ஒரு சதி திட்டத்தை தீட்டினார்கள்......


அது தான் இந்த நாற்கர சாலை, இந்த சாலையை அமைப்பதின் மூலம் இன்றைக்கு நீங்கள் பலனை எதிர்பார்க்க முடியாது. 10 ஆண்டுகளுக்கு பிறகு பாருங்கள் இந்திய பொருளாதாரம் எப்படி பறக்கிறது என்று பாருங்கள் என்று அன்றைய பாசக அரசு மார் தட்டி சோதிடம் கூறியது.


இந்த டீசல் மானியத்திற்காக வைத்து இருந்த பணத்தை காலி செய்து நாற்கர சாலையும் வந்தாகிவிட்டது. 10 ஆண்டுகளும் கடந்துவிடாச்சு, ஆனால் நிலைமை என்ன, அந்த நாற்கர சாலையை பராமரிக்க என்று உங்களிடமும் என்னிடமும் ஒவ்வொரு முறை கடக்கும் போதும் கப்பம் வசூலிக்கிறார்கள்.


 நீங்களும் நானும் அன்றைக்கு செலவு செஞ்சதை விட பன்மடங்கு இப்போது செலவு செய்கின்றோம், இந்த நாற்கர சாலையினால் நமக்கு செலவு தான் அதிகமானதே அன்றி எந்த பலனும் விளையவில்லை. அப்படி இருக்க இந்த சாலை எதற்கு ஏன் என்ற கேள்விக்கு பதில், அன்றைக்கு இலட்சங்களில் வியாபாரம் செய்த முலளாலிகள் இன்றைக்கு கோடிகளில் வியாபாரம் செய்கிறர். கோடிகளில் இலாபம் பார்த்தவர்கள் இன்றைக்கு இலட்சம் கோடிகளில் இலாபம் பார்க்கிறார்கள்.


அப்படியே நட்டம் வந்தாலும் அதை வராக்கடனில் வைத்து சரி செய்யத்தான் நமது பணத்தை கட்டாயம் வங்கிகளில் வைத்துள்ளார்களே.........


எப்படி அந்த நாற்கர சாலைகளால் சாமானியனுக்கு எந்த பலனும் இல்லாமல் சுமை ஏறியதோ அதே போல் இந்த வரிவிதிப்பால் சுமை தான் அதிகமாகுமே தவிர எந்த இலாபமும் இல்லை. அப்போ யாருக்கு தான் பலன் என்றால் இந்த வியாபாரம் செய்தால் இவ்வளவு வரி என்று இருக்கிறது முதளலிகளுக்கு அதை இனி அவர்கள் அவ்வளவும் கட்டமாட்டார்கள் மேலும் குறைவான வரியை கட்டினால் மட்டும் போதும்.


அப்போ மீதி இருக்கும் வரியை எல்லாம் யார் கட்டுவார்கள்....அது தான் நீங்கள் இருக்கிறீர்களே........


உங்களுக்காக மானிய விலையில் டீசலும் மண்ணெணையும் கிடைக்க வைத்து இருந்த பணத்தை எடுத்து வீனாக்கி அதனால் ஏற்படும் சுமையை சாதாரண மக்களின் மீது சுமத்தி முதளாலிகள் இன்னும் இலகுவாக வியாபாரம் செய்ய ஏற்பாடுகள் செய்ததை போல் இன்றைகு இந்த GST வரிவிதிப்பு.


என்ன பாதிப்புன்னுனே தெரியாம இந்த மக்கள் எல்லாம் இனிப்பு கொடுத்து எல்லையில் இராணுவ வீரன் வரிகட்டுறான் ஒனக்கு என்ன என்று ஏக வசனம் பேசுது.......


சட்டியில் இருப்பது தான் அகப்பையில் வரும், உள்ளே இருப்பது எல்லாம் பிரிவினைவாதமும் வக்கிரமும் அது தான் வித விதமான பெயர்களில் சர்க்கரை தடவிய நச்சாக வெளிவருகின்றது. விட்டில் பூச்சுக்களாய் மக்கள் ஐயோ பாவம் என்று இருந்துவிட முடியவில்லை, இந்த விட்டில் பூச்சிக்களால் நாமும் தானே அவதியுறுகின்றோம்...........

இன்னுமா இந்த சுப்பிரமணி சாமியும் மோடியும் போன் பண்ணாம இருக்காவுக

இலங்கையில் தூக்குவுக்கு போக இருந்த தமிழர்களை விடுவிக்க சொல்லி ஒரே ஒரு போன் கால் தான் சென்ஞ்சாராம் இந்த சுப்பிரமணி சாமி இலங்கை அதிபருக்கு. மோடி அந்த 5 பேரையும் விடுதலை செய்ய சொல்லி சொன்னாருன்னு சுப்பிரமணி சாமி சொன்னதும் இலங்கை அதிபர் 5 தமிழக மீனவர்கள் மோடிக்கு பார்சல் என்று சொல்லு உடனே எடுத்துகொண்டு வந்து கொடுத்தார் என்று சங்கி மங்கிகளின் சல்லியும் இந்த உளவாலி சுப்பிரமணி சாமியும் மோடியும் பொது மேடைகளில் அடவு கட்டி கூத்தாடினார்கள் அன்று.

பாவம் இந்த மனிதர் குபுசன் சாதவ் மாதக்கணக்கில் பாக்கிட்தானத்தின் பிடியில் மாட்டிக்கொண்டு இந்த சங்கி மங்கிகள் எப்படியாவது நம்மை காப்பாற்றிவிடுவார்கள் என்று நம்புகின்றார்.

பாக்கிட்தானம் ஒன்றும் இலங்கையல்ல சுப்பிரமணி சாமியோ அல்லது மோடியோ ஒன்றும் தேவ தூதர்கள் அல்ல வெறும் சாதாரண மனிதர்கள் தான் என்று திரும்ப திரும்ப பரைசாற்றுகிறது இந்த நிகழ்வு.

என்ன உளவாலி சுப்பிரமணி சாமி அலைபேசியில்ல காசில்லையா இல்லை பாக்கிட்தானத்தின் தொடற்பு எண் என்ன என்று தெரியாதா...........

Thursday, June 22, 2017

பல் இளித்த பிரிவினைவாத பாசகவின் யோகா தின கொண்டாட்டங்கள்

அதோ பார் பசு மாடு, இதோ பார் பசு மாட்டுமறி, அங்கே பார் பசு மாட்டு சானி, இல்லை மூதிரம் என்று படம் காட்டும் பிரிவினைவாத பாசகவின் பகல் காட்சி படம் இந்த யோகா.

சென்ற ஆண்டு கிட்ட தட்ட அனைத்து மா நிலங்களிலும் உள்ள கிராமங்கள் தவிர்த்து நகர் முதல் மெட்ரோ சிட்டிகள் வரை வகை வகையாக யோக செய்யும் விரிப்புகளை வாங்கி குவித்து. வெள்ளை ஆடைகளை அணிந்து மக்கள் உருண்டும் பிரண்டும் அழகு காண்பித்தார்கள்.

ஆனால் இந்த ஆண்டோ யோக யோக என்ற்கு கூவு கூவு என்று கூட்டிய கூட்டங்களில் கோவில்களில் சுண்டல் வாங்கும் அளவிற்குக்கூட கூட்டம் வரவில்லை.

தொகாவிலும் கூட திரும்ப திரும்ப மோடி விழுந்து எந்திரிக்கும் காட்சியை மட்டும் வெட்டி ஒட்டி நிமிடத்திற்கு 100 முறை ஓட்டிக்காட்டிக்கொண்டு இருந்தார்கள்.

ஒரு பக்கம் மாற்றம் முன்னேற்றம் என்று சொல்ல வேண்டியது மறுபக்கம் ஏதோ ஒரு காரணத்தை சொல்லி கொலை செய்ய வேண்டியது இது பிரிவினைவாத பாசகவின் வாடிக்கையாக ஆகிப்போனது. கேட்டால் மறுபடியும் சானி மூத்திரம் என்று ஆரம்பிக்க வேண்டியது.

இந்த பிரிவினைவாத அரசியலை கண்டு மக்கள் கொதிப்படைந்துள்ளார்கள் அதன் விளைவு இந்த ஆண்டு யோக தினத்தில் வெறும் பிரிவினைவாத பாசகவின் உறுப்பினர்கள் மட்டும் பங்கெடுத்தார்கள். ஆங்காங்கே பள்ளி மாணவர்கள் மிரட்டப்பட்டதும், இராணுவம், காவல் துறை என்று மிரட்டலுக்கு உட்பட்ட இடங்கள் தவிர்த்து பொது மக்கள் கலந்துக்கொள்ளும் நிகழ்சிகளை எந்த தொகாவும் ஒளிபரப்பவில்லை.

இந்தியாவிலே இப்படி பல் இளிக்குதே இது வெளி நாடுகளில் எப்படி இருக்கும், அன்னையர் தின முக்கியத்துவம் கூட கொடுக்கப்படவில்லை என்றது தான் உண்மை. அங்கே யோகா செய்பவன் இந்த மோடி வருவதற்கு முன்பிருந்தே செய்துக்கொண்டு இருப்பவன். அவனை வைத்து மோடி விமானம் ஏறி விற்று வந்த பிறகு தான் உலகிற்கே யோகா என்றால் என்ன என்று தெரியும் என்ற ஏகவசனம் எல்லாம் எங்களிடம் வேண்டாம் அப்பன்களா......எப்படி இருந்த யோகா தினம் சென்ற ஆண்டு இந்த ஆண்டு அந்த விசயகாந்து கூட நோம்பு கஞ்சு குடிச்சதத்தான் காட்டினார்களே தவிர படுத்து உருண்டதாகக்கூட காட்டவில்லை......

Wednesday, June 21, 2017

விவசாயக் கடன் தள்ளுபடியும் தேசிய நெடுஞ்சாலை கட்டண வசூலும்

தேசிய நெடுஞ்சாலையில் செல்ல  உகயோகிப்பாளர் கட்டணம் கட்டனுமாம், இல்லை என்றால் அந்த சாலைகளில் நீங்கள் செல்லமுடியாதாம்.

அந்த தேசிய நெடுஞ்சாலை உங்கள் ஊரில் கட்டும் போது உங்கள் வீடு, வயல், வீட்டு மனை என்று எது அந்த பக்கம் வந்தாலும் அதை தேசிய நில ஏடுத்துக்கொள்ளும் சட்டத்தின் மூலம் அரசு பெற்றுக்கொள்ளுமாம் என்று எடுத்துகொண்டு அமைக்கப்பட்ட சாலையில் இன்றைக்கு நீ செல்ல எந்த வண்டியில் செல்கிறாய் என்று பார்த்து அதற்கு தகுந்தாற் போல் கட்டணம் கட்டவேண்டுமாம்.

எல்லா தேசத்திலும் மக்களின் அடிப்படை தேவைகளை பூர்த்தி செய்வது அரசின் கடமை. அதற்கு தான் வரி வசூலிக்கிறார்கள். அதாவது தேசிய தரமான நெடுஞ்சாலைகளை அமைத்துக்கொடுக்க வேண்டியது அரசின் கடமை. மேலும் இந்த கட்டணம் வசூலிக்கும் சாலைகளை அமைக்க நீங்களும் நானும் ஏற்கனவே வரியை செலுத்திவிட்டோம். அப்படி வரி செலுத்திய பிறகும் ஒவ்வொறு முறை செல்லும் போதும் எதற்கு நாம் கட்டணம் செலுத்த வேண்டும்.

கேட்டால் வெளிநாடுகளில் அப்படி தான் அதே போல் நீயும் கட்டு என்று இந்த பிரிவினைவாத அரசு சொல்லும்.

வெளிநாடுகளில் மக்களின் தேவைக்காக என்று தரமான சாலைகள் இருக்கும், அதே வேளையில் கூட்டத்தை கட்டுப்படுத்த இந்த கட்டண வழி சாலைகளை அறிமுகப்படுத்தினார்கள். அமெரிக்கா முழுவதும் எந்த ஒரு சாலைக்கட்டணமும் இல்லாமல் சுற்றி வரமுடியும். அதற்காக குண்டும் குழியும் கண்ணுக்கு வெளிச்சம் என்ற சாலைகள் அல்ல. கட்டணம் கட்டி செல்லும் அதே தரத்தில் அமைந்த உங்களுக்காக அரசு உங்கள் வரிப்பணத்தில் கட்டிய சாலை.

என்ன ஆச்சர்யம் என்றால் எதிர்கட்சிகள் கூட இந்த விசயத்தில் வாய்திறக்காமல் இருப்பது தான்.

உங்கள் ஊரில் உங்களின் மண்ணில் அமைக்கப்பட்ட சாலைக்கு எதற்கு நீங்கள் மைய அரசுக்கு நேரடியாக பணம் கொடுக்க வேண்டும். அந்த பணம் மாநில அரசிடம் எவ்வளவு பங்கிடப்படுகின்றது.

நீங்கள் எல்லாம் எனது சாலை எங்கே என்று ஓங்கி கேட்கும் வரை வடிவேலின் கிணறு கானாம போச்சே பாணியில் தான் வசூலிப்பார்கள் இந்த பிரிவினைவாத பாசக அரசு.

தமிழகத்தில் இருந்து மைய அரசுக்கு செல்லும் ஒவ்வொரு காசிலும் விவசாய வரியை தமிழக அரசு வசூலிக்க வேண்டும். எந்தெந்த பணிகளால் தமிழகத்தின் விவசாயம் பாதிக்கபடுகின்றதோ அந்தந்த தொழில்களில் வசூலாகும் மைய அரசு வரியில் 99% விவசாய வரியாக தமிழகம் பிடிக்க வேண்டும். மேலும் அந்த பணியினால் பெறப்படும் இலாபங்களில் 90% விவசாய வரியாக்கி. அந்த பணத்தில் பாதிக்கப்பட்ட விவசாயிகளுக்கு நாமே நிவாரணம் தரலாம் அருண் செட்லி சொல்வது போல்.

 நெய்வேலி சுரங்கத்தினால் தென்னாற்காடு மாவட்ட விவசாயம் சுடுகாடாய் போனது. தென்னாற்காடின் நிலத்தடி நீரை சுரங்கம் என்ற பெயரில் நொடிக்கு ஆயிரம் ஆயிரம் கனாடி நீரை வீனாக கடலுக்கு அனுப்புகிறது அந்த நிறுவனம். விருதாசலத்தில் தொடங்கும் அந்த மண்குவியல் கடலூர் குள்ளஞ்சாவடி வரையில் நீளுகின்றது. கிட்டத்தட்ட 40, 50 கிலோ மீட்டர் அளவுக்கு பள்ளம் தோண்டி எடுத்துள்ளார்கள். அப்போ இது வரையில் எவ்வளவு நீர் வெளியேற்றப்பட்டு இருக்கும்.

அப்போது எல்லாம் தென்னாற்காடு மாவட்டத்திலும் தஞ்சை மாவட்டத்திலும் ஏன் அனைத்து நெடுஞ்சாலைகளிலும் பேருந்துகள் வளைந்து நெளிந்து அந்த பச்சை பசேர் நிலங்களின் ஊடே சென்ற காட்சிகள் எல்லாம் இன்றைக்கு கனவில் பார்த்தது போல் இருக்கின்றது.

தேசிய வளர்சி என்ற பெயரால் மாநிலங்களின் வளங்களை கொள்ளையடிப்பதை நிறுத்த மாநில அரசுக்கு அதிகாரம் இல்லை. அதே வேளையில் இப்படி விவசாய வரி விதிப்பதனால் மைய அரசு இந்த சுரண்டல் வணிபங்களை விட்டுவிட்டு வேறு உருப்படியான வேலைகளை செய்யும்.

கர்னாடகா மாநில மின்சார தேவைக்கு நெய்வேலியும் தென்னாற்காடும் ஏன் பாலைவனமாக வேண்டும். அவர்களுக்கு நெய்வேலியும் தென்னாற்காடும் வேண்டும் என்றால் இங்கு வந்து வாழ சொல்லுங்கள். உங்களின் வாழ்வாதாரங்களை உங்களுக்கு எந்த விதத்திலும் சம்பந்தம் இல்லாத ஆள் எதற்கு அவர்களது சொகுசு வாழ்கை வாழ கொள்ளையடிக்க நீங்கள் சம்மதிக்க/கட்டாயப்படுத்தபட வேண்டும்.

விவசாய வளங்களை அழிக்கும் திட்டங்களை நிறுத்தி, இனிமேலும் அது போல் எந்த ஒரு திட்டமும் தமிழகத்தில் வராமல் பார்த்துக்கொள்ள வேண்டியது நமது கடமை. நீங்கள் கேள்வி கேட்கும் வரை அருண் செட்லி உங்களது வரிப்பணத்தை அவர்களது பினாமி நாடுகளான மொரீசியசு, ஊகாண்டா, ஆப்ரிகா என்று அள்ளி கொடுத்துவிட்டு உங்களின் ஊரில் உங்களின் வரிப்பணத்தில் கட்டிய நெடுஞ்சாயில் செல்ல உங்களிடமே கட்டணம் கேட்ப்பான்.

வெளிநாடுகளுக்கு கொடுக்கும் நிதியுதவிகளை இந்தியாவின் விவசாயிகளுக்கு கொடுங்கள், உங்களால் பாதிக்கப்பட்ட அவர்களுக்கு போக மீதி இருக்கும் வரிப்பணத்தை எடுத்து நெடுஞ்சாலைகளை பராமரிக்கவும் சீரமைக்கவும் கொடுங்கள். பிறகு மிஞ்சி இருந்தால் அம்பாணிக்கும் அதாணிக்கும் வெளிநாடுகளுக்கு உதவி என்ற பெயரில் கொடுக்கலாம்.

Tuesday, June 20, 2017

மோடிக்கும் குருமூர்த்திக்கும் கிரிக்கெட்டு சூதாட்டத்தின் பொருளாதாரம் தெரியாமல் போனது ஏனோ

மூச்சுக்கு மூச்சு கள்ளப்பணம், கள்ள சந்தை, கள்ளத்தனமாக பசு சானி விற்கிறார்கள் என்று பேசும் பிரிவினைவாத பாசக அரசின் பிரிவினைவாதிகளான மோடியும் சரி அவரின் தமிழக அடிவருடி குருமூர்த்தியும் சரி, பண மதிபிழப்பு பற்றி பேசிய உடனேயே கள்ளப்பணம், கள்ள சந்தை, கள்ளத்தனமாக பசு சானி விற்கிறார்கள் என்று வாய்கிழிய பேசினார்கள்.

சென்ற வாரம் நடந்த கிரிகெட்டு ஆட்டத்தில் பொதுவாக பாக்கிட்தானத்து வீரர்களின் மீது உள்ள அபரிவிதமான நம்பிக்கையில் பாக்கிட்தானத்து அணியின் சார்பில் பணம்கட்டி தோற்பார்கள். ஆனால் இந்த மாட்டுகறி பிரிவினைவாத அரசு பதவி ஏற்றததில் இருந்து இந்திய கிரிகெட்டு அணியை ஆதரிக்காவிட்டால் தேசதுரோகி என்று ஆரம்பித்து. கடைசியில் கிரிகெட்டு சூதாட்டத்தில் இந்திய அணியின் சார்ப்பில் சூதாடாவிட்டால் தேச துரோகியாக ஆகிவிடுவோம் என்ற பதற்றமும். எப்படியும் கெளித்துவிடுவார்கள் ஒன்றுக்கு 10 என்று பணம் வரும் என்று இரகசியமாக இந்த லலித்து மோடி வகையராக்கள் பரப்பிய வதந்தியின் சூழ்ச்சியில் விட்டில் பூச்சிக்களாய் மாட்டி பணத்தை இழந்தவர்களை பார்த்து பாவபடுவதை தவிர வேறு என்ன செய்யமுடியும்.

தனது ஊரில் கடை வைத்து இருக்கும் அண்ணாச்சியை பார்த்து பொறாமை கொள்ள பழக்கியவர்கள் தானே இந்த பிரிவினைவாத அரசு. அவர்களின் மோடிவித்தையிலே மயங்கி அதோபார் மாட்டுகறி, பசு கன்று, இதோ பார் பசு மூத்திரம்........என்று இன்றைக்கு இதோ பார் தலித் தலைவர் என்று அம்மா சின்னஞ்சிறு குழந்தையை ஏமாற்றும் அதே தாத்தா காலத்து நுட்பத்தை பயன்படுத்தி மிட்டாளாக்குகின்றது.

இந்த பிரிவினைவாத அரசு பதவி ஏற்று 3 ஆண்டுகளில் எப்போதானும் மோடியும் சரி, குருமூர்த்தியும் சரி கிரிகெட்டு சூதாட்டதை பற்றி பேசியோ எழுதியோ பார்த்து கேட்டு இருக்கிறீர்களா.

சாதாரண கூலி தொழிளாலியின் வருமானம் என்ன அதை ஆசைகாட்டி வங்கில் போட வைத்துவிட்டு பிறகு எடுக்க முடியாது என்று ஏமாற்ற பட்டம் வாங்கிய இந்த பிரிவினைவாத அரசுக்கு, இந்த கிரிக்கெட்டு சூதாட்டமும் அதில் கொழிக்கும் பணமும் அதை முடக்கும் எண்ணம் கூட இல்லாமல் போனதன் மர்மம் என்ன என்று பார்த்தால் தான் ஏன் என்று விளங்கும்.

லலித் மோடி என்ற ஒரு கிரிக்கெட்டு சூதாட்டகாரர் நாட்டைவிட்டு ஓடிப்போய் இங்கிலாந்து மொரீசியசு என்று தேடப்படும் குற்றவாளிகள் பொதுவாக தஞ்சம் புகும் நாடுகளில் பதுங்கி மிகவும் சிரமப்பட்டு ஏதோ அவறால் முடிந்த ஒரு சொகுசு வாழ்க்கையை வாழ்ந்துக்கொண்டு இருக்கிறார். அந்த கிரிக்கெட்டு சூதாட்டகாரரின் சூதாட்ட பணம் பற்றிய பேச்சே இல்லை, சிதம்பரமும் கார்த்திக் சிதம்பரம் என்று குருமூர்த்தி முதல் உளவாளி சுப்பிரமணி சாமி வரை வாய்கிழிய பேசுகின்றதுகள்.

ஏன் இந்த கிரிக்கெட்டு சூதாட்டம் இந்திய பொருளாதாரத்தையும் உலக பொருளாதாரத்தையும் போற்றி வளர்க்கின்றதா. இல்லை நாட்டின் பாதுகாப்பிற்கும் நாட்டின் முன்னேற்றதிற்கு இந்த பொருளாதாரம் பயன்படுத்தபடுகின்றதா.......

வாரக்கடைசியானம் கேளிக்கை விடுதிகளில் குடித்துவிட்டு அந்த வெட்டாட்ட இசைக்கு குத்தாட்டம் போடுவது தான் பண்பு இயல்பு என்று பரப்புரைத்து, குறைந்தது டாசுமார்க் கடையிலாவது குடித்துவிட்டு சாலையோரம் சோலை ஒன்று ஆடும் சங்கீதம் பாடும் என்று கூத்தடிக்க கற்றுக்கொடுத்து பணத்தை பிடுங்கியதை போல இப்போது கிரிக்கெட்டு சூதாட்டம். இதிலே ஐபில் என்று ஒரு 90 ஆட்டம் விதவிதமாக அலைபேசி கட்டணங்கள் திட்டங்களை போல் அழகு அழகு பெயர்களில் சொலிக்கின்றது.

இதோ இப்போது சனிக்கிழமை வரையில் வந்த செய்தி 2000 கோடி சூதாட்டம் கட்டியாகிவிட்டது என்று. மேலும் ஆட்டம் ஆரம்பித்ததும் ஒவ்வொறு பந்து என்று எவ்வளவோ விதமாக சூதாட்டங்கள் அரங்கேறி இருக்கிறது பல்லாயிரம் கோடியில். எங்கே அதை எல்லாம் கேட்டுவிடுவார்களோ என்று அவசர அவசரமாக அசையா சொத்துகளுடன் ஆதார் எண்ணை இணைக்காவிட்டால் சொத்துகளை பரிமுதல் செய்து பாசகவின் ஏழைகளுக்கு கொடுத்துவிடுவோம் என்றும். ஆதார் எண்கள் இல்லாத சொத்துகள் பினாமி சொத்துகள் என்று அறிவிக்கப்பட்டு பரிமுதல் செய்து பாசகவின் ஏழைகளான அம்பாணி அதாணியின் பினாமிகளுக்கு எழுதி வைக்கப்படும் உங்கள் செலவில் என்று எகத்தாளம் போட்டுள்ளார்கள் பிரிவினைவாத பாசக அரசு.

இந்த சூன் 30க்கும் ஆதார் எண்ணுடன் இணைக்காத வங்கிகணக்கில் இருக்கும் பணத்தை எல்லாம் அம்பாணியின் 45,000 கோடி கடனை கட்டுவதற்கு என்று அம்பாணியின் நிதி ஆயோக்கின் ஆயோக்கியர்கள் வசூலிக்க ஆரம்பித்துவிட்ட சூழலில் ஆதார் எண்ணை காரணம் காட்டி சாதாரண மக்களின் சொத்துக்களை சூறையாடி அழித்து அம்பாணியின் கடனை அடைக்க சாதார்ண் சென் துக் யோசனாவை பாசகவின் ஆயோக்கியர்கள் கிளப்பியுள்ளார்கள் பாதுகாத்துக்கொள்ளுங்கள்.

Monday, June 19, 2017

மாட்டுக்கறி தன் வேலையை காட்டிவிட்டது - மொக்கா மொக்கா பாடல் ஒலிக்குமே

மாட்டுக்கறியை அவ்வளவு இவ்வளது தான் பாடுபடுத்துவோம் என்று இல்லாமல் எடுத்ததுக்கு எல்லாம் மாட்டுகறி மாட்டுக்கறி என்று இவர்கள் படுத்தியபாடு தான் இப்படி மொக்கா மொக்கா பாடலில் வந்து நிற்கிறது.

இனி நல்லா மாட்டுகறியை இப்படியே பாடாய் படுத்த சொல்லுங்கள் இன்னும் நிறைய மொக்கா மொக்கா பாடல்களை கேட்பீர்கள். யாரோ சிலருடைய ஆசை எத்தனை பேருடைய நாளை வீனாக்கியது பாவம்.

எத்தனை மக்களுடைய வயிற்றெரிச்சலை கொட்டி இருப்பீர்கள் மாட்டுகறியின் பெயரால்.

இதிலே இந்த முறை கட்டாயம் இந்திய அணி வெல்லும் என்று எந்த முறையும் இல்லாத அளவிற்கு இந்த முறை கள்ளப்பணம் விளையாண்டு இருக்கிறது.

நல்ல பணம் வைத்து இருப்பவர்களை கள்ளப்பணம் நொள்ளபணம் என்று எவ்வளவு வயிற்று எரிச்சலை எல்லாம் சம்பாத்த்தீர்கள். இதிலே அடுத்த வீட்டு மக்கள் பரி தவிப்பதை பார்த்து எத்தனை மக்கள் இனிப்புகளை வழங்கி கொண்டாடினீர்கள்.

அப்படி அடுத்தவர் பாவங்களை கொட்டி சம்பாதித்த பணத்தை எல்லாம் இன்று இந்திய அணி வெல்லும் என்று கட்டி திருடனுக்கு தேள் கொட்டியதாக சொல்லி புலம்பக்கூட முடியாத அளவிற்கு கொண்டு சென்றுவிட்டது. எத்தனை லலித் மோடிகள் உங்கள் பணத்தை சுருட்டினார்களோ......

அவ்வையார் சொன்ன கெடுவான் கேடு நினைப்பான் மறுமுறையும் நிரூபிக்கப்பட்டுவிட்டது.

இனியாவது மாட்டுகறிக்கு சல்லியடிப்பதை விட்டுவிட்டு நல்லவர்களாக நடந்துக்கொள்ளுங்கள். இல்லையேல் இந்த ஆண்டிப்பண்டாரங்களின் பேச்சை கேட்டு இன்னும் இழக்க நேரிடும்......

Saturday, June 17, 2017

இந்த சூன் 30/2017க்குள் உங்கள் வங்கியில் உள்ள பணத்தை எல்லாம் எடுத்து விடுங்கள்

2 நாட்களுக்கு முன் தான் இந்தியாவின் ஏழை அம்பாணிக்கு 45,000 கோடி ரூபாய் கடன் இருப்பதாகவும். அந்த கடனால் தொழில் நடத்தமுடியாமல் அந்த ஏழை  மிகவும் சிரம்மப்படுவதாகவும் செய்திகள் வெளியானது. இன்றைக்கு அந்த ஏழைக்கு உதவ மைய அரசு ஒரு திட்டத்தை தீட்டி செயல்படுத்தவும் செய்துள்ளது.

மைய அரசின் நிதி ஆயோக்கின் ஆயோக்கியர்கள் எல்லாம் முன்னாளில் அம்பாணியின் நிறுவனத்தில் பணிபுரிந்தவர்கள். இப்போதும் மைய அரசின் நிதி ஆயோக்கில் அம்பாணிக்கா ஆயோக்கியர்களாக பணிபுரிகின்றார்கள்.

ஆந்த ஆயோக்கியர்களின் திட்டத்தின்படி ஆதார் எண் இல்லாத வங்கி கணக்கை எல்லாம் முடக்கி அந்த கணக்கில் இருக்கும் பணம் எல்லாவற்றையும் ஒரு 10 அல்லது 30 மாதங்களுக்கு முடக்கி கேட்டால் நாங்கள் 20 நாட்களுக்கு முன்னே சொன்னோம். ஊருக்கு ஊர் தெருவுக்கு தெரு சேவை மையங்கள் அமைத்தோம். தமிழ் நாட்டில் நொடிக்கு 100 முறை தமிழ் வானொலியில் இந்தியில் கூவினோம் நீங்கள் யாரும் கவனிக்கவில்லை. ஆகவே 30 மாதங்களுக்கு உங்கள் பணம் எல்லாம் எடுக்கமுடியாடு மித்ரோன் என்று சொல்வர்கள்.

பிறகு பழைய 500, 1000 நோட்டுகளை நீங்கள் மாற்றினால் தறமாட்டோம் ஆனால் அதையே பெருமாள் கோவில் சார்பில் கொண்டு வந்துக்கொடுத்தால் மாற்றி தருவோம் என்று செல்கிறார்கள் இல்லை அது போல். ஆதார் எண் இல்லாத கணக்கில் இருக்கும் பணம் எல்லாம் கள்ளப்பணம் என்று சொல்லு அபகரித்து அந்த ஏழை அம்பாணியின் 45,000 கோடி பணத்தை கொடுத்து அந்த ஏழையின் சிரிப்பில் இறைவனை கண்டேன் என்று குரங்கு குளியலில் அடவு கட்டி கூத்தாடுவார் மோடி.

குறிப்பாக இந்தி பேசாத மாநிலங்கள் ஆன தமிழ்நாட்டை தான் முதலில் குறிவைத்து இருக்கிறார்கள் என்ற தகவல் வேறு வருகின்றது.

ஆகவே உங்கள் பணத்தை காத்துக்கொள்ளுங்கள் போன பின் புலம்பாதீர்கள் சொல்லிப்புட்டோம் அவ்வளவுதான் இனி நீங்களாச்சு உங்கள் ஏழை அம்பாணியாச்சு. நாங்கள் எல்லாம் எங்கள் பணத்தை அம்பாணிக்கு கொடுப்பதாக இல்லை.

Thursday, June 15, 2017

அம்மாவும் சின்ன குழந்தையும், மோடியும் பின்னே நாமும்

அம்மா தனது சின்ன குழந்தைக்கு சோறூட்டும் போது வாயை பிளக்கும் வண்ணம் கதைகள் சொல்வாள். பெரும்பாலும் அந்த கதைகளில் சம்பவங்கள் இருக்கிறதோ இல்லையோ பாவனைகள் அதிகம் இருக்கும்.

அவன் அங்க வந்தானா ம்ம்ம்ம்ம் வாய திற, அப்புரம் அந்த இடத்தில கத்திய பார்த்தானா ம்ம்ம்ம்ம் இந்த பெரிய உருண்டைய வாங்கிக்கோ அப்புரம் தான் அடுத்து என்னன்னு சொல்வேன் அதிகாரமா.

ஒரே உப்பு சப்பு இல்லாத கதையை வித விதமா நிறைய முக பாவங்களுடன் தினம் தினம் அந்த குழந்தைக்கு சொல்லி உண்டதே தெரியாமல் அந்த குழந்தைய சாப்பிடவைக்கும் வலிமை அவளுக்கு மட்டுமே உண்டு. அதுவும் அந்த சின்ன குழந்தைக்கு சில குறிப்பிட்ட சொல்லாடல் இல்லை என்றால் சில குறிப்பிட்ட பெயர்கள் மட்டும் மிகவும் பிடித்து போகும். மீண்டும் மீண்டும் அந்த பெயர்களை கொண்ட கதைகளை தான் விரும்பி விரும்பி கேட்க்கும் குழந்தை.

அம்மாவும் அடவு கட்டாத குறையாக அந்த சாப்பாட்டு கிண்ணத்துடன் அந்த குழந்தை ஓடும் இடத்திற்கு எல்லான் இராசா, தங்கம் இல்லை எங்க அப்பா இல்லா, எங்க அம்மா இல்ல என்று சொல்லும் அந்த செல்ல வார்த்தைக்கு எல்லாம் மந்திரமாக கட்டுப்பட்டு அவளின் கட்டுப்பாட்டுக்குள் இருக்கும் குழந்தை.

வளர்ந்த பிறகு அந்த கதை எல்லாம் காலத்திற்கு ஏற்றார் போல் சரித்திர கதைகளாகவும், விஞ்ஞான மற்றும் கற்றுக்கொள்ள வேண்டிய கதைகளாகவும் மாற்றி மறுபடியும் ஒரு கதைக்காக காத்து இருக்க வைப்பாள் அம்மா. பிற்காலத்தில் நன்றாக வளர்ந்த பின்பு கேட்க்க நினைக்கும் சொந்தகாரர்களது கதைகளாகவும் அது மாறும்.

இதே நுட்பம் தான் மோடி கடைப்பிடிப்பதும் ...ம்ம்ம்ம்ம்ம்ம் அதோ பார் ஊழல் ஓட்டு போடு......ம்ம்ம்ம் அதோ பார் பசு மாடு.....ம்ம்ம்ம்ம்ம் 15 இலட்ச ரூபாய் உனக்கு கொடுப்பேன் இன்னும் நிறைய ஓட்டு போடு......ம்ம்ம்ம் மேக்கின் இந்தியா ஆனா வல்லபாய் சிலையை சீனா செஞ்சு கொடுக்கனும்......ம்ம்ம்ம்ம்ம்ம் மாட்டுகறி.......இன்னும் நிறைய ஓட்டு போடு......ம்ம்ம்ம்ம்ம் உன்னை விட உனது ஊரின் அண்ணாச்சி கடைகாறர் அதிகம் சம்பாதிக்கிறார் அதனால் உன்னுடைய பணத்தை எல்லாம் வங்கிகளில் போட்டு அவர்களுக்கு சேவைக்கட்டணம் கட்டு....ம்ம்ம்ம்ம்ம் இன்னும் நிறைய ஓட்டு போடு.......ம்ம்ம்ம்ம்ம்ம் இதோ பார் அமெரிக்கா போரேன் ம்ம்ம்ம்ம் நிறை ஓட்டு போடு

ம்ம்ம்ம்ம் இதோ பார் மொரீசியசுக்கு 3000 கோடி கொடுக்கின்றேன் அவங்க பாவம் இல்லையா ம்ம்ம்ம்ம்ம்ம் இன்னும் பெரிசா ஓட்டு போடு.......வேண்டாம் எனக்கு இந்த கதை பிடிக்கல வேண்டாம்.....ம்ம்ம்ம்ம்ம் அதோ பார் பசு மாடு, மாட்டுகறி.....அதோ பாரு முசுலீம் மக்கள்.......எல்லையில இராணுவ வீரன கேளு.......ம்ம்ம்ம்ம்.... இல்ல அந்த இராணுவீரனுக்கு சாப்பாடே போடலயாமே......ம்ம்ம்ம்ம்ம் அப்படினா கதை எல்லாம் சொல்ல மாட்டேன் ....... இல்ல இல்ல கதை சொல்லு.....ம்ம்ம்ம்ம் அதோ பாரு பசு மாடு.....ம்ம்ம்ம்ம் அதோ பாரு பசு கன்னுக்குட்டி....ம்ம்ம்ம்ம் அதோ பாரு பசு சானம் ம்ம்ம்ம்ம்ம் அதோ பாரு கோமியம் .......ம்ம்ம்ம்ம்ம்ம்ம்

போடு போடு ஓட்டு இல்லன்னா பசு கதைய சொல்ல மாட்டேன் ம்ம்ம்ம்ம்ம்ம்ம்

போ மோடி ஓட்டு எல்லாம் போட மாட்டேன் பாரு அங்க அந்த அம்மா எல்லாம் எவ்வளவு அழகா வாசனையா சமைச்சு வித விதமா தறாங்க நீங்க எப்பவுமே ஒன்னுமே இல்லாத கையை மட்டுமே நீட்டுறீங்களே.....ம்ம்ம்ம்ம்ம் அதோ பார் இருட்டில் எல்லையில் இருந்து எதிரி ஊடுருவுரான் அதுக்காக என்னக்கு ஓட்டுபோடு.......ம்ம்ம்ம்ம்ம்.... அப்படி வந்தா காத்துகொள்ள தான் இராணுவம் இருக்கே.......ம்ம்ம்ம்ம்ம் அதுவும் நான் ஆட்சிக்கு வந்த பிறகு தான் நடக்குது. இல்லன்னா நீங்கள் எல்லாம் என்ன கதி ஆளாயி இருப்பீங்க.......ம்ம்ம்ம்ம்ம் அப்ப அந்த 15 இலட்சம் ம்ம்ம்ம்ம்ம் அதோ பாரு பசு மாடு.... பசு கன்னுகுட்டி ம்ம்ம்ம்ம்ம்ம் அதோ பாரு ஊழல் ம்ம்ம்ம்ம் அமெரிக்கா ஆப்ரிக்கா அண்டார்டிக்கா........

இப்படி வெறும் கையில் முழம் போடுவதற்கும் வெறும் வாயை மெல்ல வைத்து அதற்கு வரி கொடு என்று வாங்க நம்மை மாதிரியான மக்கள் இருக்கும் வரையில் இன்னும் எத்தனை மோடிக்கள் வந்தாலும் ஏமாற்ற முடியும்.....ம்ம்ம்ம்ம்ம் அதோ பாரு பாவம் செஞ்சவன் வருகிறான் போய் அவனை அடித்து கொல் என்றும் இது பரிணாமித்து நிற்கிறது..........

Wednesday, June 14, 2017

பார்த்திபனின் புதிய பாதையை - Beauty and the Beastஆக Disney தயாரித்து வெளியிட்டுள்ளது

1989ஆம் ஆண்டு தமிழில் வெளியாகி வெற்றிகரமாக ஓடிய புதிய பாதை படத்தை அப்படியே அப்பட்டமாக காப்பி அடித்து ஆங்கிலத்தில் Beauty and the Beast படமாக எடுத்துள்ளார்கள்.

தமிழில் வந்த கதையை எப்படி அழகாக ஆங்கிலத்தில் மாற்றி இருக்கிறார்கள் என்று பார்ப்போம்.

தமிழில் பார்த்திபன் ஒரு குட்டி சுவரான ஒரு வீட்டில் குடி இருப்பதாக காட்டுவார்கள், ஆங்கிலத்தில் அதுவே பாழடைந்த ஒரு பழைய காலத்து அரண்மனையாக காட்டிவிட்டார்கள்.

படத்தின் நாயகனின் அம்மா இல்லாமல் ஒரு வஞ்சிக்கப்பட்ட அப்பாவால் மிகவும் தற்பெருமையும், பண கர்வமும் கொண்ட ஆணாக வளர்ந்தவனாக ஆங்கிலத்தில் காட்டியுள்ளார்கள்.

அதாவது பெற்றுவிட்டு குப்பை தொட்டியில் எறியப்பட்ட பார்த்திபனின் வாழ்க்கையை ஒரு அரச குடும்ப கதையாக மாற்றிவிட்டார்கள்.

பார்த்திபனுடன் எப்பவும் ஒரு சின்ன பையன் அதிக பிரசங்கி தனமாக பேசிக்கொண்டு சம்பந்தமே இல்லாமல் வருவான். அவனது உருவில் மெழுகுதிரி தாங்கியாக ஒரு பாத்திரத்தை படைத்துவிட்டார்கள் ஆங்கிலத்தில்.

பார்த்திபனின் வீட்டிற்கு அருகில் இருக்கும் மனோரமாவை போல் ஒரு டீ குடுவை பாத்திரமாக ஆங்கிலத்தில் படைத்துள்ளார்கள்.

சீதாவின் அப்பா ஒரு பெண்பித்தர், தனது மகளின் பிறந்த நாளுக்கு ஒரு சித்தியை பரிசாக தருவதாக காட்டி இருப்பார்கள்.

இதையே ஆங்கிலத்தில் நாயகியின் அம்மா ஒரு தியாகியாகவும் அவளின் அப்பாவிற்காக ஒரு அரக்கனை கூட திருமணம் செய்ய தயாராக இருக்கும் ஒரு பாத்திரமாக மாற்றியுள்ளார்கள்.

சீதாவின் மேல் நாசருக்கு ஒரு கண் அவளை கொண்டுவந்து நாசரிடம் விடு என்று சொல்வதில் தகறாறு துவங்கும்.

ஆங்கிலத்திலோ ஒரு தற்பெருமை மற்றும் கிறுக்கு பிடித்த இராணுவ வீரனுக்கு நாயகியின் மேல் ஒரு கண், அவள் இல்லாமல் தன்னால் உயிர் வாழமுடியாது என்றது போல் நடிப்பவனாக காட்டியுள்ளார்கள். அவர்கள் கூடி குடி கூத்தடிக்கும் இடத்தில் தனது மகளை காப்பாற்றும் படி நாயகியின் தந்தை விளிப்பதில் துவன்ப்க்கும் தகறாறு.

ஆங்கிலத்தில் அரக்கனாக இருக்கும் அவன் அவளை தன் தந்தையை காப்பாற்ற போக வேண்டும் என்று செல்லும் போது அவளை போகவிடும் மனிதனாக நடந்து கொள்கின்றான் தமிழில் பேட்டை ரௌடியாக இருக்கும் பார்த்திபன் சீதாவை வீட்டில் வைத்துக்கொண்டு அவளுக்காக உணவு வாங்குவதும் வீடு கட்டுவதாகவும் காட்டியுள்ளார்கள்.

அரக்கனின் அரண்மனையில் இருந்து தப்பித்த நாயகியை ஓநாய் கூட்டம் தாக்கும் போது குறுக்கே நின்று காப்பாற்றும் காட்சிகளை பார்த்திபன் சீதாவிற்காக உணவு வாங்கிக்கொண்டு வீட்டிற்கு வரும் வழியில் கத்தியால் குத்தும் காட்சியை மாற்றி எடுத்து இருக்கிறார்கள்.

 நாசரின் கூட்டம் பார்த்திபனை தாக்கி கொல்ல நினைக்கும் இடத்தில் வரும் சண்டைகாட்சிகளை ஊர்மக்களை திரட்டி அந்த அரண்மனையை அழிக்க மக்களை கொண்டு அழிக்க நினைக்கும் காட்சிகளாக அழகாக மாற்றி எடுத்துள்ளார்கள்.

என்ன டிசுனி படம் எப்போதும் முடிக்கும் போது சுபமாக மட்டுமே முடிப்பார்கள் ஆகவே தமிழில் சீதா சாவதை போல் காட்டாமல் எல்லாம் சுபமாக முடிந்தது என்று காட்டிவிட்டார்கள்.

மகதீரா படத்தை பார்த்து இந்தியில் அனுமதியில்லாமல் படம் எடுத்தார்கள் என்று வழக்கு தொடுத்ததை போல் பார்த்திபனும் எனது படத்தை ஆங்கிலத்தில் என்னிடம் அனுமதி இல்லாமல் உருட்டிவிட்டார்கள் என்று வழக்கு தொடுக்கிறாரா என்று பார்ப்போம்.

ஆங்கிலத்தில் கதை திரைக்கதை வசனம் என்று போடாமல் திரைக்கதை அதுவும் அந்த கால கதையில் இருந்து எடுத்தாளப்பட்டது என்று மிகவும் கவனமாக போட்டு இருப்பதால் பார்த்திபனினால் வழக்கு தொடுக்கமுடியும் என்று தோன்றவில்லை.

Tuesday, June 13, 2017

அன்புமணி கேட்டிருக்கும் ஞாயமான கேள்வி முடிந்தால் பதில் சொல்லுங்கள் பார்ப்போம்

அதிமுக இத்தனை கோடி திமுக இத்தனை கோடி என்று ஆதாரங்களுடன் கேள்வி கேட்டுள்ளார் அன்புமணி. எவ்வளவு அற்புதமான கேள்விகள் அவைகள். இத்தனை கோடிகளை இறைக்க வேண்டும் என்றால் எவ்வளவு கொள்ளை அடித்து இருப்பார்கள் பாவிகள் அவர்கள்.

மாறி மாறி அட்சியிலும் மறைமுகமான ஒப்பந்தகளினாலும் எவ்வளவு கொள்ளை இந்த 50 ஆண்டுகாலத்தில் திராவிட கட்சிகளால் கொள்ளை அடிக்கப்பட்டு இருக்கும் என்றும் கேட்டுள்ளார். எவ்வளவு ஞாயமான கேள்விகள் இவைகள் முடிந்தால் திமுகவும் அதிமுகவும் பதில் சொல்ல கடமைபட்டவர்கள்.

சரி நாம் அன்புமணியை கேட்போம், 50 ஆண்டுகள் பாமக ஆட்சியில் இல்லை வெறும் 4 ஆண்டுகாலம் ஒரே ஒரு அமைச்சர் பதவி. அந்த பதவியிலேயே எவ்வளவு பணம் அடித்து இருந்தால் சென்ற தேர்தலில் பாமக இவ்வளவு பணத்தை அள்ளி இறைத்து இருக்கும்.

நாட்டில் ஏழைகளின் மருத்துவ தேவைகளை பூர்த்தி செய்ய 4 அரசு மருந்து தயாரிக்கும் நிறுவனங்களை தரம் சரியாக இல்லை என்று சொன்னதோடு நில்லாமல் அவைகளை மூடி வெளி நாட்டு நிறுவனங்களிடம் ஒன்றுக்கு 10ஆக காசு கொடுத்து ஏழை மக்கள் மட்டும் அல்ல. அவர்களுக்காக அரசும் அந்த வெளி நாட்டு நிறுவனங்களிடம் மட்டுமே மருந்து வாங்க வைத்த இந்த சிகாமணி ஊழழை பற்றி சங்கூதுகிறார்.

சென்றமுறை தந்தி தொகாவிற்கு அளித்த பேட்டியில் சென்னையில் புதிதாக மருந்தாலை வர வழி செய்தோம் என்றார் ஆனால் இன்று வரை எங்கே வருகின்றது என்றும் கூட இது வரை ஒருவரும் சொல்லவில்லை.

இந்த சிகாமணியின் பேச்சை நம்பி இவரை முதல்வராக அல்ல உலக தலைவராக நாம் தேர்ந்தெடுக்க வேண்டும். அப்படி தேர்ந்தெடுத்தால் தான் இவர் கொள்ளை அடித்து அதில் சொகுசாக இவர் மேடை ஏறி மாற்றம் முன்னேற்றம் என்று மக்களிடம் முழங்குவார்.

மல்லையா, அதாணி, அம்பாணி வாராகடனுக்கு மைய அரசு எந்த நிதியில் இருந்து பணம் வழங்கியது

ஊருக்கு இளைத்தவன் பிள்ளையார் கோவில் ஆண்டி என்ற கணக்காக விவசாயிகள் கடனை தள்ளுபடி செய்யும் நிதியை மா நில அரசே திரட்டவேண்டுமாம் பிரிவினைவாத அரசு அருண் செட்லி நக்கலாக சொல்லி சிரிக்கின்றார்.

முன்னமே தெரிவித்தபடி மைய அரசு விதிக்கப்போகும் GST வரியில் 90% முதல் 100% வரை மா நிலங்கள் விவசாய வரியை அறிவிக்க வேண்டும்.

எந்த எந்த சேவைகளினால் உழவும் உழவு சார்ந்த தொழில்களும் பாதிக்கபடுகின்றதோ அந்த தொழில்களுக்கு எல்லாம் GST வரியில் மட்டும் அல்ல அந்த தொழில் கிடைக்கும் இலாபத்திலும் 50% வரியாக மாநிலங்கள் பெற சட்ட வழிகளை கொண்டு வரவேண்டும்.

 நாட்டின் வளர்ச்சி என்று ஒருபுரம் மா நிலங்களின் இயற்கை வளங்களை கொள்ளை அடிக்க மைய அரசு ஆட்களை பணிப்பதும். அந்த ஆட்கள் உழவும் உழவு சார்ந்த தொழில்களை அழிக்கும் விதமாக மண்ணையும் நீராதாரங்களையும் அழித்துவிட்டு பணத்தை சுருட்டிக்கொண்டு வெளி நாட்டிற்கு ஓடிச்சென்று சொகுசு வாழ்க்கையை தொடரவும் வாய்பை அள்ளி வழங்கிவிட்டு. உழைக்கு மக்களின் தலைகளில் கைகளை வைக்கின்றது இந்த பிரிவினைவாத அரசு.

நாட்டில் ஏழைகளின் உணவில் கைவைக்கும் விதமாக இந்த பிரிவினைவாத அரசு திட்டங்கள் தீட்டி அழகாக நடத்தியும் வருகின்றது.

ஏற்கனவே மாநில அரசுக்கள் அமைத்த சாலைகளை புறவழிகளில் இணைக்கும் வழிகளை மட்டும் அமைத்துவிட்டு 170 கிலோமீட்டருக்கு 200 ரூபாய் வரை உபயோக வரி என்று கொள்ளை அடிக்கின்றது மைய அரசு. ஒவ்வொரு நாட்டிலும் மக்களின் பயன்பாட்டுக்கு என்று அரசு செய்யப்போகும் காரியங்களுக்காக என்று தான் மக்கள் வரி கட்டுகிறார்கள்.

 நான் இதுவரையில் கட்டிய வரியில் எனக்கு அமைத்துகொடுத்த சாலைகள் எங்கே, எனது பணத்தில் எனக்காக கட்டிய சாலையில் எனக்கே பயன்பாட்டு வரியா. அங்கே கேள்வி கேட்க்க கோட்டைவிட்டோம் இப்போது நீங்கள் சம்பாதிக்கும் பணத்தை சேர்க்கவும் அதை எடுக்கவும் வரி என்ற அளவிற்கு வளர்ந்து நீற்கிறார்கள் இந்த பிரிவினைவாத அரசு.

 நரிக்கு நாட்டாமை கெடைச்சா கெடைக்கு இரண்டு ஆடு கேட்க்குமாம் அது போல் இருக்கிறது இந்த பிரிவினைவாத அரசு செயல்பாடுகள்.

Monday, June 12, 2017

பிளாசுடிக் அரிசி மட்டும் ஏன், பிளாசுடிக் பிட்சா, பிளாசுடிக் பர்கர்கள் ஏன் வருவது இல்லை

அது ஏன் எப்பவும் ஏழைகள் சாப்பிடும் உணவில் மட்டும் கலப்படம் அவ்வளவு எளிதாகவும் எல்லைகளை எல்லாம் தாண்டும் பரப்பளவிற்கு வருகின்றது.

பணக்காரர்கள் பயன்படுத்தும் பீட்சா, பர்கர், பாசுதா, வடகத்டியர்கள் பெரிதும் பயன்படுத்தும் கோதுமை என்று எல்லாம் இல்லாமல் தென்னகத்து எளிய மக்களின் அதிக பயன்பாட்டில் இருக்கும் அரிசியில் வந்து இறங்கி இருக்கிறது கலப்படம்.

2, 3 வாரங்களுக்கு முன்பு வாட்சப்பில் தமிழகத்து இட்லிக்கு சிறந்த சிற்றுண்டி என்று உலக அங்கிகாரம் கிடத்துள்ளது என்ற செய்தி பரவிய சுவடு கூட இன்னும் மறையவில்லை அதுக்குள்ளாகவே கலப்படம் வந்திறங்கியாச்சு.

இந்த கலப்பட அரிசி இந்தியாவில் தயாரிக்கப்பட்டதா இல்லை சீனாவில் இருந்து இறக்குமதியானதா என்று ஆராய்ந்து சொல்ல கடமைப்பட்டவர்கள் ஆட்சியர்கள்.

 நன்றாக கவனித்தால் அரியை உட்கொள்ளும் சீனா, சப்பான், சிங்கப்பூர், மலேசியா, இந்தோனேசிய, பிலிபைன்சு, வியட்னாம் வரை எந்த கலப்படமும் இருப்பதாக செய்தி வரவில்லை. மாறாக உலகிலேயே மிக சிறந்து விளங்கும் வல்லரசு இந்தியா அதுவும் பிரிவினைவாத பாசக அரசு ஆட்சி செய்யும் இந்தியாவில் இந்தி பேசாத மாநிலங்களில் உண்ணும் உணவில் மட்டும் கலப்படம் வந்தது எப்படி. உலகில் வேறு எந்த நாட்டிலும் இல்லாத போது இந்தியாவில் மட்டும் நுழைந்து எப்படி என்று இந்த பிரிவினைவாத அரசு தான் விளக்க வேண்டும். விளக்குமா இல்லை இது ஏழைகளின் பிரச்சனை நாம் மல்லையாக்களை கவனிக்க போவோம் என்று செல்கிறார்களா என்று பார்ப்போம்.

செர்மனியில் இருந்து படிப்பறிவே இல்லாத இந்திகாரர் எதற்கு சென்னைக்கு வருகிறார்கள்

முன்பெல்லாம் சரியாக சொல்லவேண்டும் என்றால் இந்த பிரிவினைவாத கட்சி பாசக ஆட்சிக்கு வரும் முன் செர்மனியில் இருந்து சென்னைக்கு வரும் விமானத்தில் அறிவிப்புகள் செர்மன் ஆங்கிலம் மற்றும் அழகு தமிழில் அறிவிப்புகள் சொல்வார்கள்.

ஆனால் இந்த பிரிவினைவாத அரசு வந்ததும் வராததுமாக வெளி நாட்டுவாழ் தமிழர்களின் தலையில் கைவைப்பதில் இருந்து தான் துவங்கி இருக்கிறார்கள்.

வெளி நாடுகளில் இருக்கும் இந்திய தூதரங்களில் வருபவர்களிடம் அடாவடியாக இந்தியில் தான் பேசுவார்கள் இந்த பிரிவினைவாத அரசு நியமித்த தூதரக மக்கள். இந்தில் அவர்கள் கேட்கும் கேள்விகளுக்கு தமிழில் சரியான பதிலை சொல்ல அதை புரிந்துக்கொண்டு பிறகு ஆங்கிலத்திற்கு மாறிய அந்த வெறியர்கள் துவக்கதிலேயே ஆங்கிலத்தில் பேசி இருக்கலாம் ஆனால் அவமானபட்டான்டா தூதரகன் என்றாகிப்போனது.

இதோ இப்போ செர்மனியில் இருந்து இந்தியா வரும் விமானத்தில் எழுத்தறிவும் படிப்பறிவும் இல்லாத இந்தி பேசும் மக்கள் அமெரிக்கா ஐரோப் யூனியன்  கண்டங்களை சுற்றி பார்த்துவிட்டும் அல்லது அங்கேயே தங்கி இந்தியில் பேசியும் எழுதியும் வேலை பார்த்துவிட்டு சென்னைக்கு திரும்பும் போது அந்த களைப்பில் அறிவிக்கும் ஆங்கிலம் கேட்ட காதில் ஈயத்தை காய்ச்சு ஊற்றியதை போல் இருப்பதால் இனி இந்தியில் சொல்ல சொல்லி சொல்லுங்கள் என்று வெளியுரவு அமைச்சகத்திடம் விளித்தாகவும் அதன் பால் இனி தமிழில் அறிவிக்க வேண்டாம் இந்தியில் மட்டுமே சொல்லுங்கள் என்று பிரிவினைவாத அரசு கேட்டுக் கொண்டதாகவும் அறிகின்றோம்.

வெளி நாட்டுவாழ் இந்தியர்கள் இந்திய பணம் வைத்து இருந்தால் சட்டவிரோதம் கோவிலில் போடச்சொல்லும் மடையர்களே அவர்களுக்கு அவர்கள் செய்யும் செலவிற்கு அந்த நாடுகள் செய்யும் சலுகைகளில் ஓசியில் வந்து வாங்கி திங்க வெட்கமாய் இல்லை.

தமிழர்களிடம் இந்த பிரிவினைவாத அரசு இன்னும் எவ்வளவு தான் பிச்சை எடுக்கும் என்று தெரியவில்லை. இந்த வெளி நாட்டுவாழ் தமிழர்களும் இளிச்சவாயர்களாய் இன்னும் எவ்வளவு தான் அவர்களுக்கு பிச்சை இடுவார்கள் என்றும் தெரியவில்லை.

இந்த எழுதபடிக்க தெரியாத இந்திக்காரர்கள் அப்படி வெளி நாட்டில் என்ன தான் வேலை இருந்து இருக்கும் கற்பனை செய்து பாருங்களேன். இந்தியாவாக இருந்திருந்தால் கன்னியாகுமாரிக்கு சாமி கும்பிட போனேன் ராமர் கட்டிய தொங்கு பாலத்தை பார்க்க வந்தேன் சொல்லுவா. அமெரிக்காவிலும் ஆப்பிர்க்காவிலும் ஐரோப் யூனியனிலும் என்ன செய்துக்கொண்டு இருந்திருப்பார்கள் என்று தான் புரியவில்லை.

ஒரு வேளை இது காங்கிரசு ஆட்சியின் சதி என்று பிரிவினைவாத தலைவர்களான எச்சி ராசாவும் தமிழிசை சௌந்தர்ராசனும் சொல்லுவார்கள். ஆங்கிலமும் தமிழும் தெரியாத இந்தி ஓட்டுனர்கள் தமிழகம் வந்தால் படிக வசதியாக தமிழக மைல்கற்களில் ஆங்கிலத்தை அழித்து இந்தியில் எழுதி பெருமைபட்டவர்கள் இல்லையா இந்த பிரிவினைவாத தலைவர்கள். இந்த முறை இந்தி மட்டுமே எழுதபடிக்க தெரிந்த வெளி நாட்டுவாழ் இந்தியர்கள் சென்னைக்கு வரும் போது சென்னை விமான நிலையத்தில் தவறுதலாக இறங்காமல் திரும்பவும் வந்த நாட்டுக்கே சென்றுவிட்டால் என்ன ஆகும் என்ற பெருந்தன்மையால் இந்தியில் அறிவிக்க சொல்லி இந்த பிரிவினைவாத அரசை சொல்ல சொன்னோம் என்று பெருமையாக சொல்வதை காட்சி ஊடகங்களில் பார்க்கனுமே......

Sunday, June 11, 2017

இலட்ச இலட்ச்சமாய் புன்னியம் சேர்க்கப்போகும் வெளிநாட்டு வாழ் இந்தியர்கள்

இந்திய பணம் 5000 ரூபாய்களுக்கு மேல் வெளி நாட்டிற்கு பணமாக கொண்டு சென்றால் அது சட்டவிரோதம் ஆகையால் வெளி நாட்டில் பதுக்கி வைக்கப்பட்டு இருந்த 5 ஆயிரம் 10 ஆயிரம் முதல் 3, 4 இலட்சங்கள் வரை எல்லாம் சட்ட விரோதமாக கொண்டு சொல்லப்பட்ட பணம். ஆகையால் அந்த பணத்தை இந்தியாவிற்குள் எடுத்துவருவதோ அல்லது பழைய செல்லாத நோட்டுக்களுக்கு புது  நோட்டுகளை மாற்ற நினைப்பதே தேச துரோகமாக கருதி தூக்கில் ஏற்றப்படுவீர்.

ஆகவே ரிசர்வ் பேங்க் ஆப் இந்தியாவின் அறிவுறையின்படி வெளிநாடு வாழ் இந்தியர்கள் இனி அவர்களிடம் இருக்கும் இந்திய பணத்தை கோவில்களில் தான் போட வேண்டும்.

அந்த பணத்தை கோவில்கள் கொண்டு சென்று நல்ல பணமாக பெற்று தங்களது காரியங்களுக்கு பயன்படுத்தலாம். ஆகையால் இனியும் உங்களிடம் இருக்கும் இந்திய பணத்தை வைத்துக்கொண்டு இலவு காப்பதைவிட கோவில் உண்டியல்களில் போட்டு புன்னியம் பெறலாம்.

கோவில்கள் என்றால் முருகன் முனீசுவரன் என்று எல்லாம் நினைக்காதீர்கள், திருப்பதிக்கு உண்டு என்று மட்டும் சொல்கிறார்கள். இந்து கோவில்கள் தவிர மற்ற மத கோவில்களுக்கு எல்லாம் இந்த சலுகைகள் இல்லை என்று தான் சொல்லி இருப்பார்கள்.

Tuesday, June 6, 2017

3 ஆண்டுகளில் இந்தியாவை கற்காலத்திற்கு தள்ளிய கட்சி இன்னும் 50 ஆண்டுகள் பற்றி பேசுகின்றது

இந்த 3 ஆண்டுகளில் வேலை வாய்ப்பு படிபடியா சரிந்து இனிமேல் தொழில் நுட்பம் சார்ந்த வேலை வாய்ப்புகள் வர போவதில்லை என்று பொறியியல் துறைக்கு வரும் விண்ணப்பங்கள் 3ல் ஒன்றாகு வீழ்ச்சி அடைந்துள்ளது இந்த ஆண்டில்.

தமிழகத்தையும் தெற்கு மாநிலங்களையும் விடுங்கள், வடக்கில் மக்கள் வீதியில் சென்று காய்கறி வாங்கி வரக்கூட பயப்படுகிறார்கள். இருப்பது சுதந்திர இந்தியாவிலா இல்லை அடுத்த நாட்டு படையெடுப்பில் சிக்கி தவிக்கும் நாட்டிலா என்ற அச்சம் வடக்கில் உலவுகின்றது.

நவநாகரீகமாக உடையணிந்தாலோ, அல்லது புரட்சி செய்கின்றேன் போராட்டம் செய்கின்றேன் என்று வடக்கில் பெண்கள் வீதிக்கு வந்தால், அவளை வன் புணர்ந்து, சாகும் வரையில் உடலுக்குள் இருக்கும் ஒவ்வொரு பாகமாக அறுத்து எடுத்து துடி துடிக்க வைத்து கொல்வார்கள், வடக்கத்திய வெறியர்கள்.

வடக்கத்தியர்கள் இந்துவாக இல்லை என்றால் ஏதாவது ஒரு காரணத்தை சொல்லி வீட்டில் புகுந்து குளிர் சாதணபெட்டியில் பொங்கல் வைத்து இருந்தார்கள் என்றும் கொல்லப்படுகின்றார்கள். அதுவும் எப்படி நாட்டு மக்கள் அனைவரும் இந்தியா பாக்கிட்தான் அணிகள் விளையாடும் கிரிகெட்டு போட்டியை நேரில் அலைப்பரப்புவதை போல் ஊடகங்களை அழைத்து நேரலையில் கொன்று குவிக்கின்றார்கள்.

ஒரு ஒப்பீடுக்கு சொல்ல வேண்டும் என்றால் அன்று இட்லர் ஆட்சியில் அவருக்கு பிடிக்காத யூத இன மக்களை தினமும் ஏதோ ஒரு காரணத்தை சொல்லி கொல்வதை போல் இந்தியாவில் கொல்கின்றார்கள் வடக்கில்.

சம்பாதிக்கும் பணத்தை எல்லாம் வங்கியில் போடாவிட்டால் கொன்றுவிடுவோம் என்று எல்லோரையும் மிரட்டி பணத்தை வங்கிகளில் சேர்த்தபின் பணம் எடுக்க தடை என்று அறிவித்த கொடுங்கோல் ஆட்சியில் வேறு என்ன எதிர்பார்க்க முடியும்.

இந்த இழி கட்சியின் சமீபத்திய கண்டுபிடிப்பு இந்தியாவில் விளையும் மாடுகளை வங்காளத்தில் கடத்திக்கொண்டு போய் விற்கிறார்களாம்.

மாடு என்ன சின்ன குழந்தைகளா கடத்திக்கொண்டு போக, வளர்த்தவன் விற்கின்றான் வாங்குபவன் வங்காளத்திலும் விற்பான் முடிந்தால் பாசகவினர் போல் அமெரிக்காவிற்கும் விற்பான்.

தானும் தன்னை சார்ந்தவர்கள் தவிர வேறு யாரும் எந்த ஏற்றுமதியும் செய்துவிடக்கூடாது என்ற கெட்ட எண்ணத்தில் இந்த இழி செயலை செய்துள்ளார்கள். அது மட்டும் இல்லை, இந்தியாவில் இருக்கும் ஏ2 மாடுகளை அரவே ஒழித்துவிட்டு சர்க்கரை நோய் மாடுகளை கொண்டு வந்து நிறுவிட்டா வீட்டில் இருக்கும் ஒவ்வொறுவருக்கும் சர்க்கரை நோய் மருந்து மற்றும் இருதய நோய் மறுந்துகளை ஒரு நபருக்கு குறந்தது 20 ஆண்டு விற்கலாம் என்ற பேராசையிலும் செய்கின்றார்கள் இந்த இழி கட்சியினர்.

இந்த பிரிவினை வாத இழி கட்சி தொகா விவாதங்களில் தங்களை சமூக பாதுகாவலர்கள் என்று இந்தியாவின் பன்முகத்தையும் காப்பாற்ற வந்து இறங்கி இருக்கும் அவதாரங்கள் என்றும் தங்களை தாங்களே சொல்லிகொள்கிறார்கள் இந்த இழி கட்சியினர்கள்.

இனி இவாக்களுக்கு நெய்யும் பாலும் விற்கும் போது இது யாகத்திற்கு வாங்கவில்லை என்று 10 ஊரில் சென்று சான்றிதழ்கள் வாங்கி வா உணவு தண்ணீர் தருகின்றோம் என்று மக்கள் சொல்ல முன்வரவேண்டும். இல்லையேல் இப்படி தான் அட்டம் போடுவார்கள் இந்த இழி கட்சியினர்கள்.

செய்வீர்களா மக்களே சிந்தியுங்கள், நாளை தலையில் குல்லா அணிய தடை, வண்ணத்தில் வேட்டி லுங்கி அணிய தடை, இந்திய பாரம்பரிய உடையை தவிர வேறு துணிமணிகளை வணிகர்கள் விற்க தடை ஆனால் வாங்க தடை இல்லை, தெருவில் காலில் செருப்பு அணிய தடை, மேலே சட்டை அணிய தடை, பெண்கள் மேலாடை அணிய தடை. பேருந்தில் சொகுசு வண்டிகளில் பயணம் செய்ய தடை, முதல் வகுப்பு மற்றும் இரண்டாம் வகுபில் பயணம் செய்ய தடை என்று இனி வரிசையாக தடை வர இருக்கின்றது. பாவம் வடக்கதியர்கள், இந்த இழி கட்சியின் பொய் மொழிகளை(இந்தியும் சங்கதமும்) கேட்டு நம்பி பரதேசம் போகப்போகின்றார்கள்.