கிளாடியேட்டர் - 2 ‍- திரைவிமர்சனம் அல்ல‌

 கிளாடியேட்டர் 2 படம் வந்து அமைதியாக ஓடிக்கொண்டு இருந்தது. என்ன முதல் பாகம் கொண்டு வந்த பரபரப்பு இந்த பாகத்துக்கு ஏன் இல்லை என்று புரியாததால் தாமதமாக தான் பார்த்தேன்.

ஆச்சர்யம் என்ன என்றால், இது இரண்டாம் பாகம் என்ற உணர்வே வராத அளவிற்கு அப்படி ஒரு திரைக்கதையும் கதையமைப்பும்.

ஆனால் கதையில் முதல் பாகம் வந்த இத்தனை ஆண்டு காலம் கழித்து நடக்கும் கதை தான் என்று உறுதி செய்கின்றது.......கதையின் லுசில்லா தவிர மற்ற வேறு ஒருவரையும் பழைய பாகத்தில் இருந்து காட்டவில்லை...

முதல் பாகத்தில் இருந்த பிரம்மாண்டம் இதிலும் இருந்தாலும் கதையில் அந்த கவனம் இல்லை என்று தான் சொல்லனும்.

சரி சொல்ல வந்தவைகளை சொல்வோம்.....பொதுவாக முற்பாகமோ அடுத்த பாகமோ எடுத்தால் வந்த பாகத்திற்கும் உள்ள தொடர்பு ஏன் கடந்த பாகத்தில் அப்படி நடந்தது என்று கவனமாக சொல்வார்கள் இல்லை அப்படி நடந்தால் இப்போது இப்படி நடக்குது என்று கதை சொல்வார்கள். இந்த படமும் இந்த வகையில் இருந்தாலும் ஒரு மிகப்பெரிய வித்தியாசத்தை கொண்டு வந்துள்ளார்கள்.

புதிய கதையை எழுதியாச்சு அதை திரைக்கு திரைக்கதையாக மாற்றும் போது இந்த இந்த காட்சிகள் எல்லாம் இப்படி இப்படி எல்லாம் எடுக்கனும், இந்த கதை நகர்வுகள் எல்லாம் இந்த இந்த இடத்தில் நடப்பதாக சொல்லனும் என்று ஒரு மாபெரும் மெனக்கெடல்கள் கொண்டவை.....உதாரணமாக மௌன ராகத்தில் ஐ லவ் யூன்னு சொல்ல கன்னிமெரா நூலகத்தில் வைத்து சொல்லனும் அப்படி சொல்லும் போது நீ மைக் போட்டு ஊரே கேட்பது போல் சொல்லேன்னு சொல்ல அடுத்த நொடி அண்ணா பல்கலை வளாகத்தில் நாயகி ஓடி வர என்று எல்லாம் எடுத்து காட்டுயவது. ஆனால் கதையில் அவன் ஐ லவ் யூன்னு சொல்கிறன் அவள் ஏன் ஊருக்கே கேட்கிறா மாதிரி சொல்லேன்னு சொல்லிவிட்டு மறுத்தாள்ன்னு முடிச்சிடுவாங்க......

இப்படி ஏராளமா நேரம் செலவிட்டு எழுதிய புதிய கதையை திரைக்கதையாய் மாற்றுவதை விட்டுவிட்டு பழைய திரைக்கதையை எடுத்துக்கொண்டு என்ன வித்தியாசம் என்று மட்டும் பொருத்தி காட்டி இருக்கிறார்கள்.

இது விரைவில் தமிழ் படங்களில் வரும் அதுவும் தளபதி 2 அல்லது உயிரே 2 என்று வரும். என்ன ஸ்ரீவித்யா இல்லாத நிலையில் தளபதி 2 எடுப்பது கடினம் ஆக உயிரே 2 படம் வர வாய்ப்பு இருக்கிறது.

மாதவன் தான் நாயகன் மணிப்பூரில் நடக்கும் குழப்பங்களை பேட்டி எடுக்க அங்கே செல்கிறான் என்று துவங்கி கடைசியில் அடுத்த ஆண்டு நடக்க இருக்கு ஆகஸ்ட் மாத அணிவகுப்பில் படம் முடிவது போல் முடிப்பார்கள் அதே கதையில்.....

நாசருக்கு பதில் இராஜீவ் மேனன் நடிக்கலாம், மனீஷாவுக்கு பதில் மீனாட்சி சேஷாத்திரி நடிக்கலாம்..மாதவனுக்கு சுகாஷினி சித்தியாக வருவார்......

தூர்தர்ஷனுக்கு பதில் ஒரு பிபிஸி செய்திக்காக செல்வதாக சொல்லலாம்.....

மணிப்பூரில் நடந்த கொடூரத்தில் மீனாட்சியை சீரழித்ததால் பழிவாங்க இப்படி எல்லாம் செய்கிறாள் என்றும். அவளுக்கு ஏற்கனவே காதலன் இருந்தான் ஆனால் இந்த கொடூரத்தில் இவளை இப்படியே விட்டு விட்டு ஓடியதால் அவளுக்கு நெருக்கமாக ஆண்கள் வந்தால் அவளுக்குள் இருந்த அந்த கோர நிகழ்வின் பாதிப்பால் இவளாலும் முகம் கந்திரகோலமாக மாறும் ஒரு பாதிப்பாகவும் சொல்வார்கள்......

அனேகமாக மணிபூர் விஷியத்தில் நடந்த நிகழ்வுகளை மானே தேனே பொன் மானே எல்லாம் போட்டு அழகா எடுப்பாங்க.....

விரைவில் எதிர்ப்பார்ப்போம்.....

திருமாவளவனுக்கு அரசியல் பலம் எல்லாம் இல்லை என்று தான் சொன்னார்கள்

திமுகவை பதவில் இருந்தும் மக்கள் மனதில் இருந்தும் அகற்றவேண்டும் என்று துடிக்கின்றது பாஜகவும் அதன் பால் ஈர்ப்புக்கொண்ட கூலி எட்டப்ப கூட்டமும்.

என்ன செய்யலாம் என்று அதிமுகவை விலைக்கு வாங்கியதில் இருந்து முயன்று கொண்டு இருக்கிறது பாஜக. விலைக்கு வாங்கிய பின் அதிமுகவில் பொம்மைகளை பதவியில் அமர்த்தி அவர்கள் பாஜகவின் தமிழ்நாட்டு பாஜக பொம்மை தலைமைகளின் ஆணைகளுக்கு அடிப்பணியும் படி ஆணையிட்டது. முதலில் மறைமுகமாக இருந்த இந்த ஒப்பந்தத்தை மக்களின் முன் அரங்கேற்றி தான் தான் அந்த கட்சியின் உண்மை முதலாளி என்று காட்டவும் முற்பட்டது. அதை தொடர்ந்து தமிழ்நாடு கொடுத்த மூக்குடைப்பில் இருந்து இது வரை மீளாத பாஜக நாளொரு மேனியும் பொழுதொரு வண்ணமும்மாக விடாமல் இன்று முயன்றுக்கொண்டு தான் இருக்கிறது.

அந்த முயற்சிகளில் பாஜக கற்றுணர்ந்த பாடம் திமுகவின் கூட்டணியை அழித்தால் மட்டும்மே அவர்களை பலவீனப்படுத்த முடியும், மற்றப்படி கட்சியினர் மீதோ அல்லது கட்சியின் மீதோ கையை பிடிச்சு இழுத்தான் என்ற தொனியில் பாஜக தொடுத்த வழக்குகள் எல்லாம் பிசு பிசுத்த நிலையில். கூட்டணியின் மேல் தனது பார்வையை திருப்பி இருக்கிறது.

மறைமுகமாக திருமாவளவனின் மீது அவதூறுகளையும் பாஜகவின் நேரடி மற்றும் கூலி எட்டப்பன்களையும் விட்டு திட்ட ஆரம்பித்தும் பார்த்தது அதுவும் அவர்கள் திமுக கூட்டணியில் இருந்து வெளியேற வேண்டும் என்றும் கூட சில நேரங்களில் இலவச அறிவுரைகளையும் வழங்கியது.

பிறகு நடிகர் விஜய்யை வைத்து ரம்மியாட்டம் ஆடியது பாஜக, அதை தொடர்ந்து பின்னர் மறுபடியும் திமுக கூட்டணி உடையும் என்று காத்திருந்தது நரி கணக்காக.

அதையும் தொடர்ந்து ஒன்றுமே நடக்காத நிலையில் இப்பொழுது பாமகவை அனுப்பி திமுகவில் சேர்ந்து கொள்கிறோம் என்று அறிக்கை விட வைத்து இருக்கிறது. இப்படி ஒரு அறிக்கை ஏன் இப்பொழுது....அரசியல் தெரிந்தவர்களுக்கு கட்டாயம் தெரிந்து இருக்கும் திருமாவும் பாமகவும் ஒரே கூட்டணியில் இருக்க மாட்டார்கள் என்று. ஆக திமுகவின் கூட்டணியை குழப்ப பாஜக எடுத்து இருக்கும் இன்றைய ஆயுதம் பாமக என்னும் கூலி எட்டப்ப படைகளில் ஒன்று......

அன்று தமிழிசை சௌந்தராஜன் சொல்லும் போது நாம் எல்லாம் சிரித்தோம்

தரமான நல்ல மருத்துவர்களை உருவாக்குவது தான் எங்களின் நோக்கமே தவிர மருத்துவ கல்வியில் தடைகளை உண்டு செய்வது இல்லை என்று மேடைக்கு மேடை தமிழிசை முழங்கும் போது எல்லாம் நாம் எள்ளி நகையாடினோம்....

புதியக் கல்வி கொள்கை என்று பாஜக அரசு வரிந்துக்கட்டி கொண்டு வரும் போதும் இதையே தான் பாஜகவின் கூலி எட்டப்பன்கள் தங்களுக்கு கொடுக்கப்பட்ட கூலிக்கு தகுந்தார் போல் கூவினார்கள் வித விதமாக.

இன்று மருத்துவத்தில் துவங்கும் இந்த செயல் படிப்படியா மக்களின் கல்வியையே பரிக்கும் என்று நாங்கள் எல்லாம் எச்சரிக்கை விடுத்த போது எங்களை போன்றோரை கிண்டலும் கேலியும்மாகத் தான் பார்த்தார்கள்...பேசினார்கள்.

முதலில் மருத்துவம் பிறகு பொறியியல் அதை தொடர்ந்து சட்டம் என்றும், அதன் பிறகு எல்லா தர்ப்பட்ட படிப்புகளுக்கும் இந்த நுழைவுத்தேர்வை கட்டாயம் ஆக்கப்பட வேண்டும் என்று பாஜக அரசு நிறைவேற்றியது. அன்று துவங்கிய அழிப்பு இன்று 3வது வகுப்பிலிம் அப்படியே தப்பித்தால் அடுத்து 8வதிலும் படிப்பு முழுமையாக அடிப்பட்டு போகும் படி ஒரு பொறியை வடிவமைத்து இருக்கிறது பாஜக.

3வதில் எத்தனை பிள்ளை கொடுக்கும் வீட்டுப்பாடம் முதல் வகுப்பிலும் பாஜக விவரிக்கும் அளவிற்கு செயற்பாட்டில் இருக்கிறார்கள். அந்த வயதில் மழலையும் சொன்னதை சொல்லும்மாம் கிளிப்பிள்ளை என்ற நிலையில் இருக்கும் குழந்தைகளிடம் என்ன எதிர்ப்பார்க்க சொல்கின்றது இந்த பாஜக அரசு. 3வது படிக்கும் பிள்ளைக்கு சொல்லிக்கொடுத்ததை திருப்பி ஒப்பிக்கும் திற‌னா இல்லை எப்படி சொல்ல வேண்டும் இல்லை பாடவேண்டும் என்று சொல்லிக் கொடுப்பதை அப்படியே திரும்ப செய்துக்காட்டும் திற‌மையையா......

எப்படி எல்லாம் இந்த பாஜக மக்களின் வாழ்கையில் விளையாண்டுக் கொண்டு இருக்கிறது என்று பார்த்தால் தான் புரியும்.

முதலில் உயர்க்கல்வியில் கொடுக்கப்பட்ட உதவித் தொகையை படிப்படியாக குறைக்க துவங்கியது. அதுவும் முதலில் பட்டியலின பழங்குடியினரில் துவங்கியது...காரணம் அவர்களுக்காக யாரும் வரிந்துக்கட்டிக் கொண்டு வரமாட்டார்கள் என்றது அவர்களது கணக்கு....ஆனால் ஒரு சிறு எதிர்ப்பு மட்டும் எல்லா பக்கங்களிலும் எழுந்து ஓய்ந்த நிலையில் சத்தமே இல்லாமல் அனைவருக்கும் என்று அதை விரிவாக்கியது...ஒது முதல் முடக்கம்...

எடுத்த எடுப்பிலேயே பட்ட படிப்பிலோ அல்லது அடிப்படைப் படிப்பிலோ கையை வைத்தால் மக்கள் விழித்து கொள்வார்கள் என்ற முன்னெச்சரிக்கை, நரித்தனம் தான் வேற என்ன.

பட்டப்படிப்பும் பட்ட மேற்படிப்பும் எட்டாக்கனியாக ஆக்கியபிறகு குலத்தொழிலை செய்ய சொல்லி கூவியது பாஜக....தமிழ்நாடு தவிர்த்து மற்ற மாநிலங்கள் எல்லாம் செயல்படுத்த துவங்கியும் ஆன நிலையில் இப்போது பட்டப்படிப்பை எட்டிப்பிடிக்கவே கூடாது என்று இப்படி பள்ளியிலே குழந்தைகளை முடக்கி கூலி தொழிலுக்கு பழக்க திட்டம் வகுத்து செயலும் ஆக்கி இருக்கிறது பாஜக.

இனி என்ன நடக்கும் அடம் பிடிக்கும் மாநிலங்களின் கல்வி சான்றிதழ்கள் இனி செல்லாது என்று ஒரு சட்டம் கொண்டு வந்து தரைமட்டம்மாக்கும்.

அதன் பிறகு ஆளே இல்லாத வகுப்பில் தான் தான் முதல் மாணவன் என்ற அவர்களின் பழைய வரலாற்றில் அவர்களின் புதிய ஆட்களின் பெயர்களை பட்டியலிட துவங்கும்.