தமிழ் தெரியவில்லை என்று எந்த வடநாட்டுகாரனும் தற்கொலை செய்யவில்லை

ஒரு காலத்தில் வடக்கதிய மக்கள் சொல்லும் வாசகம் இது, தமிழ் நாட்டிலே இளநீர் விற்பவர் கூட ஆங்கிலம் பேசுகிறார் அதுவும் அழகாக பேசுகிறார் என்று சொல்வார்கள்.

தமிழே தெரியாமல் தமிழகத்தில் ஆண்டுகளாக தங்கி வாழ்கையை ஓட்ட முடியும் என்ற நிலையில் தான் இருக்கிறது. இது தென்னகத்தில் இருக்கும் அத்தனை மாநிலங்களுக்கும் பொருந்தும். பெங்களூருவில் கன்னடம் தெரியவில்லை என்றாலும் இரண்டு முறை அவர்கள் சொல்லும் போதே அது என்னவாக இருக்கும் என்று புரியும். தெலுகு கொஞ்சம் கடினம் இருந்தாலும் கேட்டு புரிந்துக்கொள்ளலாம். மலையாளம் அப்படியே எந்த மொழிமாற்றமும் இல்லாமல் புரியும் தென்னகத்தாருக்கு.

ஆனால் வடக்கில் இருந்து வருபவரும் அதே பாணியில் தென்னகத்து மொழிகள் அனைத்தையும் அதே போல் புரிந்துக்கொள்வதும் ஆச்சர்யமாக இருக்கிறது.

திரும்ப பேச தெரியவில்லை என்றாலும் தலையை ஆட்டி சமாளிப்பார்கள். தமிழ் பேசுகின்றேன் என்று மேலையில் சிலர் நாடகம் ஆடுவது போல் எல்லாம் நடிப்பது இல்லை அவர்கள், உண்மையிலே ஆர்வமாக தெரிந்துகொண்டு சொல்லும் ஒரு சில வார்த்தைகளால் பேசி செல்வார்கள்.

கல்லூரிகளில் தமிழ் தெரியாமல் வந்து சேரும் பிள்ளைகள் 4 ஆண்டுகள் கழித்து செல்லும் போது ஓர் அளவிற்கு தமிழ் பேச பழகி இருப்பார்கள்.

ஆனால் வடக்க படிக்க போகும் தமிழர்களுக்கு ஏன் இவ்வளவு மொழி இடர்பாடுகள். அதுவும் இந்தி தெரியவில்லை என்று ஒரு பட்ட மேற்படிப்புக்கு செல்லும் மாணவர்களின் தற்கொலைகளை புரிந்துகொள்ளவே முடியவில்லை. எனக்கு தெரிந்து கல்லூரிகளில் ஆங்கிலத்தில் தான் வகுப்பு எடுப்பார்கள், சென்னையில் இருந்து செல்லும் விமானத்தில் வம்படியாக இந்தியில் மட்டுமே தான் பேச வேண்டும் என்று போட்ட வாய் மொழி உத்தரவு போல் எதுவும் செய்து இருக்கிறார்களா என்று தெரியவில்லை.

அப்படி யாரோடு எல்லாம் இந்தியில் இவர்களால் பேச முடியவில்லை என்று இந்த அவமானமபடுக்கிறார்கள். பயிற்று மொழி ஆங்கிலம், பரீட்சை எழுதும் மொழியும் ஆங்கிலம். அங்கே நிறைய தமிழ் மாணவர்கள் இருப்பார்கள். அவர்களோடு, எல்லா இடங்களுக்கும் போகவர என்று துவங்கினால் பழகி போகும் பிறகு இவர்களே ஆயிரம் போருக்கு வழி சொல்வார்கள். பிறகு எங்கே முளைக்கிறது இந்த தற்கொலைகள்.

அப்படி என்ன தான் பேச முடியாமல் போய் இவர்கள் தற்கொலை செய்துகொள்கிறார்கள் தெரிந்தவர்கள் கொஞ்சம் சொல்லுங்கப்பா...............